El Principáu dexa fuera la nueva plantiya docente a más de 300 profesores d'asturianu
«No se trata de querer o no querer, sino que no es posible jurídicamente crear plazas de profesores de asturiano». Esta foi la xustificación pretendidamente "téunica" ufiertada pola Conseyería d'Alministraciones Públiques, tres d'anunciar que'l Conseyu de Gobiernu aprobare la plantiya docente pal prósimu cursu, que supón un incrementu de 464 puestos de trabayu fitos en comparanza cola actual, pero que conderga a la interinidá a los más de 300 profesores que imparten lengua asturiana. Y ello, a pesar de la recién Sentencia del Tribunal Supremu qu’obliga a la desapaición de les plantiyes funcionales y pasar les places a plantiya orgánica.
Según el Gobiernu autonómicu, el qu'esta nueva plantiya nun incluya a los profesores de llingua asturiana, débese a razones d'una supuesta "imposibilidá xurídica", porque la especialidá d'asturianu nun ta reconocida pol Ministeriu d'Educación: «el concurso de traslados es nacional y, por lo tanto, deben ser especialidades reconocidas a nivel nacional», precisen.
Énte esta situación, los docentes de llingua asturiana aconceyáronse apocayá nún Colectivu p'afrontar el so futuru, desixiendo'l «compromisu de les fuerces sindicales, de los partíos políticos y de la sociedá civil asturiana, a que s’axunten conxuntamente a esta petición, que nun pretende otro que dignificar la situación del idioma asturianu nel sistema educativu y dar la oportunidá de que los docentes sigan exerciendo’l so trabayu nun númberu bien significativu de casos».
Según los docentes d'asturianu y de fala eo-naviega, los pasos a siguir pa iguar esta situación sedríen:
1) y 2) La creación de la especialidá y la inclusión nes plantiyes orgániques; un pasu importante de dignificación de los puestos de trabayu y de la situación d’allegalidá de l’asignatura nel sistema educativu asturianu (públicu y concertáu). Los docentes cuiden qu'esto nun ye solo lo más beneficioso pal idioma, sinón que tamién tien repercusiones llaborales mui positives al crease un númberu mayor de places, con menos medies xornaes ya itinerancies, al empar d’un grau de normalidá de l’asignatura que nun esiste anguaño.
3) Convocatoria d’oposiciones: porque se garantiza la lexítima demanda de los trabayadores que ven amenazaos los sos puestos de trabayu ante’l cambiu d’estatus y d’indefinición na que s'alcuenten anguaño. Los profesores qu’imparten la materia nun figuren oficialmente na plantiya orgánica de nengún centru porque l’Alministración yá avisó de qu'eso nun pue ser. Al empar, les oposiciones garanticen un accesu llimpiu, oxetivu y universal pa ocupar places de trabayu público y asegura calidá del enseñu.
4) Concursu de tresllaos: garantizando asina’l derechu de cualquier funcionariu de carrera a concursar a esta especialidá, en condiciones asemeyaes al restu les especialidaes. Y amás, en secundaria, resolveríase l'anomalía de nun tener necesidá de superar una oposición pa cambiar d'especialidá, que ye lo normal nesos casos.
Pa los docentes d'asturianu, «nun val parchiar el problema (que sigue tando) de que les coses sigan como tán, porque hai sentencia qu’obliga al gobiernu a organizalo d’otra manera. Tampoco val pidir la degradación del colectivu a categoría de personal llaboral porque mermaría los mínimos derechos que tien el colectivu dientro del sistema». Poro, piden-y a la Conseyería d’Educación del Principáu d’Asturies que «tenga la valentía d’almitir una realidá sociollingüística imparable nel ámbitu educativu y dea soluciones razonables pa l’asignatura y pal so colectivu d’enseñantes».
> Noticia esbillada vía Tierra Alantre la mesma fala.
> Colectivu de docentes de llingua asturiana.
Según el Gobiernu autonómicu, el qu'esta nueva plantiya nun incluya a los profesores de llingua asturiana, débese a razones d'una supuesta "imposibilidá xurídica", porque la especialidá d'asturianu nun ta reconocida pol Ministeriu d'Educación: «el concurso de traslados es nacional y, por lo tanto, deben ser especialidades reconocidas a nivel nacional», precisen.
Énte esta situación, los docentes de llingua asturiana aconceyáronse apocayá nún Colectivu p'afrontar el so futuru, desixiendo'l «compromisu de les fuerces sindicales, de los partíos políticos y de la sociedá civil asturiana, a que s’axunten conxuntamente a esta petición, que nun pretende otro que dignificar la situación del idioma asturianu nel sistema educativu y dar la oportunidá de que los docentes sigan exerciendo’l so trabayu nun númberu bien significativu de casos».
Según los docentes d'asturianu y de fala eo-naviega, los pasos a siguir pa iguar esta situación sedríen:
1) y 2) La creación de la especialidá y la inclusión nes plantiyes orgániques; un pasu importante de dignificación de los puestos de trabayu y de la situación d’allegalidá de l’asignatura nel sistema educativu asturianu (públicu y concertáu). Los docentes cuiden qu'esto nun ye solo lo más beneficioso pal idioma, sinón que tamién tien repercusiones llaborales mui positives al crease un númberu mayor de places, con menos medies xornaes ya itinerancies, al empar d’un grau de normalidá de l’asignatura que nun esiste anguaño.
3) Convocatoria d’oposiciones: porque se garantiza la lexítima demanda de los trabayadores que ven amenazaos los sos puestos de trabayu ante’l cambiu d’estatus y d’indefinición na que s'alcuenten anguaño. Los profesores qu’imparten la materia nun figuren oficialmente na plantiya orgánica de nengún centru porque l’Alministración yá avisó de qu'eso nun pue ser. Al empar, les oposiciones garanticen un accesu llimpiu, oxetivu y universal pa ocupar places de trabayu público y asegura calidá del enseñu.
4) Concursu de tresllaos: garantizando asina’l derechu de cualquier funcionariu de carrera a concursar a esta especialidá, en condiciones asemeyaes al restu les especialidaes. Y amás, en secundaria, resolveríase l'anomalía de nun tener necesidá de superar una oposición pa cambiar d'especialidá, que ye lo normal nesos casos.
Pa los docentes d'asturianu, «nun val parchiar el problema (que sigue tando) de que les coses sigan como tán, porque hai sentencia qu’obliga al gobiernu a organizalo d’otra manera. Tampoco val pidir la degradación del colectivu a categoría de personal llaboral porque mermaría los mínimos derechos que tien el colectivu dientro del sistema». Poro, piden-y a la Conseyería d’Educación del Principáu d’Asturies que «tenga la valentía d’almitir una realidá sociollingüística imparable nel ámbitu educativu y dea soluciones razonables pa l’asignatura y pal so colectivu d’enseñantes».
> Noticia esbillada vía Tierra Alantre la mesma fala.
> Colectivu de docentes de llingua asturiana.
Labels: Llingua Asturiana
<< Home