Maxisteriu pretende desaniciar los estudios de llingua asturiana
Acordies con informaciones de Xunta Moza, la Escuela de Maxisteriu de la Universidá d'Uviéu va votar el xueves los sos nuevos planes d'estudiu que van adaptar la enseñanza al espaciu européu. La Xunta Moza convoca una concentración de protesta el día 29 a les 11.30 delantre de la Escuela Universitaria de Maxisteriu y anuncia que d'equí allá va facer toles xestiones posibles pa torgar esta nueva una agresión a la llingua asturiana. El motivu ye que magar les promeses y les bones pallabres de la dirección del centru y del rector Vicente Gotor confírmase que los planes van escluyir a la llingua asturiana.
Pela so parte, los sindicatos SUATEA, CC.OO, FETE-UXT, ANPE y CSIF, criticaron que la "direición de la Escuela de Maxisteriu dexe fuera de los nuevos planes d'estudiu que se diseñen p'adautase al Plan Européu de Bolonia a la llingua asturiana y a la educación musical".
Al traviés d'un comunicáu, les cinco centrales acusaron a la direición de la Escuela de pretender "que s'aprueben cola mayor urxencia los cambios, hasta'l puntu de que la votación de la Xunta Xeneral de la Escuela de Maxisteriu va ser mañana, día 29 de xineru del 2008".
"Col plan Européu de Bolonia", esplica la nota, "en Maxisteriu s'espedirán dos titulaciones xenériques: Infantil y Primaria". "Caúna d'éstes", añade, "va dir acompañada d'una 'mención', que se diba corresponder, más o menos, colo que nesti momentu entendíemos como especialidaes". Según el comunicáu, "una vez algamada la titulación se podíen prosiguir estudios de postgráu mediante 'máster'", dándose la situación de que "nestos tampoco figuren les especialidaes citaes".
Los cinco sindicatos denuncien la "reducción d'especialidaes hasta'l puntu d'entrugase si va haber que recurrir a profesores xeneralistes pa impartir música o llingua asturiana".
El profesor de Ciencies de la Educación y académicu Xosé Antón González Riaño señala que "ye inaudito que la Escuela de Maxisteriu refugue la consideración de los estudios de Llingua Asturiana como una "mención" nos planes d'estudiu de la titulación de maestru” y añade que “saben perfeutamente qu'eso ye illegal porque va a la escontra de la Llei d'Usu del Asturianu qu'afita la formación universitariu del profesoráu d'asturianu".
Conseña que “saben amás qu'esta mención encaxa dafechu na orden ministerial de 27 d'avientu de 2007 que regula los oxetivos de formación del profesoráu y, en fin, saben qu'hai una demanda social d'estos estudios, por nun dicir que tán despreciando llexítimes aspiraciones profesionales de los futuros maestros”, y añadió que "yo, personalmente, camiento qu'estes amueses d'intolerancia son inalmisibles socialmente".
Pal profesor de Ciencies de la Educacion “si la decisión de la Escuela de Maxisteriu ye nun proponer tal "mención" que, nun escaezamos, nun obliga a naide, sinón que garantiza un drechu profesional al que quiera exercelu, la votación nun tendría valor nengún. Convién saber, entós, qu'habría que repetir la votación incluyendo la posibilidá de la "mención" de Llingua Asturiana. Dende llueu, ye obligación del Rectoráu facer posible esto non solo porque ye lo que s'axusta a la llegalidá, sinón porque'l tema forma parte del so programa eleutoral y tien que cumplilu porque pa eso salió escoyíu. El Principáu d'Asturies, en concreto la Conseyería d'Educación, tamién tien que tomar determín pa facer que se cumpla la llegalidá”.
González Riaño quixo señalar finalmente que “agora mesmo toi en Bolivia, país que con menos de diez millones d'habitantes acaba d'aprobar una Constitución que reconoz el calter oficial de más de 30 llingües y minoríes llingüístiques... y que tien agora mesmo dafechu escolarizaes, con un sistema d'educación billingüe, al castellán, quechua, aymara y guaraní.... N'Asturies habría danos vergoña... y más que nun se dea una respuesta de les fuerces polítiques a tal desatín".
> Noticia esbillada d'Asturies.com (1), (2) y (3)
Pela so parte, los sindicatos SUATEA, CC.OO, FETE-UXT, ANPE y CSIF, criticaron que la "direición de la Escuela de Maxisteriu dexe fuera de los nuevos planes d'estudiu que se diseñen p'adautase al Plan Européu de Bolonia a la llingua asturiana y a la educación musical".
Al traviés d'un comunicáu, les cinco centrales acusaron a la direición de la Escuela de pretender "que s'aprueben cola mayor urxencia los cambios, hasta'l puntu de que la votación de la Xunta Xeneral de la Escuela de Maxisteriu va ser mañana, día 29 de xineru del 2008".
"Col plan Européu de Bolonia", esplica la nota, "en Maxisteriu s'espedirán dos titulaciones xenériques: Infantil y Primaria". "Caúna d'éstes", añade, "va dir acompañada d'una 'mención', que se diba corresponder, más o menos, colo que nesti momentu entendíemos como especialidaes". Según el comunicáu, "una vez algamada la titulación se podíen prosiguir estudios de postgráu mediante 'máster'", dándose la situación de que "nestos tampoco figuren les especialidaes citaes".
Los cinco sindicatos denuncien la "reducción d'especialidaes hasta'l puntu d'entrugase si va haber que recurrir a profesores xeneralistes pa impartir música o llingua asturiana".
El profesor de Ciencies de la Educación y académicu Xosé Antón González Riaño señala que "ye inaudito que la Escuela de Maxisteriu refugue la consideración de los estudios de Llingua Asturiana como una "mención" nos planes d'estudiu de la titulación de maestru” y añade que “saben perfeutamente qu'eso ye illegal porque va a la escontra de la Llei d'Usu del Asturianu qu'afita la formación universitariu del profesoráu d'asturianu".
Conseña que “saben amás qu'esta mención encaxa dafechu na orden ministerial de 27 d'avientu de 2007 que regula los oxetivos de formación del profesoráu y, en fin, saben qu'hai una demanda social d'estos estudios, por nun dicir que tán despreciando llexítimes aspiraciones profesionales de los futuros maestros”, y añadió que "yo, personalmente, camiento qu'estes amueses d'intolerancia son inalmisibles socialmente".
Pal profesor de Ciencies de la Educacion “si la decisión de la Escuela de Maxisteriu ye nun proponer tal "mención" que, nun escaezamos, nun obliga a naide, sinón que garantiza un drechu profesional al que quiera exercelu, la votación nun tendría valor nengún. Convién saber, entós, qu'habría que repetir la votación incluyendo la posibilidá de la "mención" de Llingua Asturiana. Dende llueu, ye obligación del Rectoráu facer posible esto non solo porque ye lo que s'axusta a la llegalidá, sinón porque'l tema forma parte del so programa eleutoral y tien que cumplilu porque pa eso salió escoyíu. El Principáu d'Asturies, en concreto la Conseyería d'Educación, tamién tien que tomar determín pa facer que se cumpla la llegalidá”.
González Riaño quixo señalar finalmente que “agora mesmo toi en Bolivia, país que con menos de diez millones d'habitantes acaba d'aprobar una Constitución que reconoz el calter oficial de más de 30 llingües y minoríes llingüístiques... y que tien agora mesmo dafechu escolarizaes, con un sistema d'educación billingüe, al castellán, quechua, aymara y guaraní.... N'Asturies habría danos vergoña... y más que nun se dea una respuesta de les fuerces polítiques a tal desatín".
> Noticia esbillada d'Asturies.com (1), (2) y (3)
Labels: Llingua Asturiana
<< Home