La Facultá de Filoloxía de la Universidá d'Uviéu aprueba crear un Minor de Llingua Asturiana col 70% de los votos
La Xunta de la Facultá de Filoloxía de la Universidá d'Uviéu, aprobó ayer día 20 de payares la propuesta del decanu, José Antonio Martínez, de creación d'un Minor de Llingua Asturiana (bloque d'asignatures de 48 creitos), con un 70% d'apoyu de los profesores presentes na votación a la que se sometió la propuesta.
L'alcuentru tenía como oxetivu dar el vistu bonu a la propuesta de Títulos de Grau plantegada pol Decanatu, de cara a los futuros estudios de Filoloxía, tres la reforma de los estudios universitarios p'adautalos al Espaciu Européu d'Enseñances Superiores (EEES). El decanu proponía la creación de cinco títulos de grau (actuales carreres), compuestos por un Maior (120 creitos), combinable con un Minor. Ente los Minores, figura'l d'asturianu.
Dao que la posibilidá de creación del Minor contaba con una enmienda contraria presentada pol profesor Félix Fernández de Castro, esti puntu de la propuesta debió votase a parte del restu del conxuntu. El resultáu foi de 63 votos a favor del Minor, 27 a la escontra y cuatro en blancu, la mayor diferencia a favor de la llingua asturiana na historia de les votaciones de la Facultá de Filoloxía.
Enantes de la votación, hubo delles intervenciones n'apoyu a la propuesta del decanu, ente les que destacaron la de los catedráticos Antonio Vespertino Rodríguez (Llingües Romániques) y Ana Cano (ex decana y presidenta de l'Academia de la Llingua Asturiana), amás d'otros profesores, como Xulio Viejo, Juan Carlos Villaverde o Miguel Ramos Corrada.
El vistu bonu a esta propuesta supón que, per primer vez na historia de la Institutción académica asturiana, la llingua cuente con un títulu universitariu oficial y regláu que, si bien nun va ser igual qu'una llicenciatura, sí va exixise pa poder impartir clases de lligua asturiana tanto n'enseñanza primaria como en secundaria.
Esti aspeutu xeneró un alderique nos últimos díes, dientro de sectores asturianistes. La ex decana, Ana Cano, ta acabante de defender la insuficiencia del Minor pa formar a los futuros docentes d'asturianu, mientres otros profesores, como los del Seminariu de Filoloxía Asturiana, lo consideraben un avance sobre la situación actual.
Pese a la so repercusión mediática, el Minor d'asturianu ye un aspeutu más dientro de la propuesta xeneral de títulos del decanu, que foi aprobada definitivamente güei, ensin nin tan siquiera sometese a votación, puesto qu'existía yá un consensu previu.
La Facultá de Filoloxía va ofrecer cinco títulos de grau: Estudios Ingleses, Llingua Española y les sos Lliteratures, Llingües y Lliteraturaes Romániques y Comparaes (que va incluyir Maiores d efrancés, italianu y portugués), Estudios Clásicos y Llingües y Lliteratures Modernes (que va incluyir los memos Maiores de Romániques, amás d'un d'alemán).
La previsión ye qu'estos estudios se pongan en marcha de magar el cursu 2010-2011. Hasta entós, la propuesta ha desarrollase en dellos planes d'estudios, y aprobase n'instancies superiores, tanto autonómiques como estatales.
Organizaciones que defenden la llingua asturiana mostraron postures diferentes, tres l'aprobación de la propuesta. Mientres el Conceyu Universitariu pol Asturianu (CUPA) mostró la so satisfaición. La Xunta pola Defensa de la Llingua Asturiana (XPDLL) cualtién la crítica de "insuficiente" carga llectiva d'estos estudios y entiende que la solución adoptada ye "claramente insuficiente, porque caltién a la llingua asturiana nun estatus marxinal, en comparanza col rangu qu'ocupen el restu llingües con estudios reglaos de filoloxía".
La organización afirmó que "nun existen razones técniques que lleven a esta solución de compromisu". "Nel ámbitu universitariu nun esiste alderique sobre la esistencia como tal de la llingua asturiana, esiste cuerpu de profesores abondo pa entamar una titulación propia de grau y esiste demanda d'estudiantes, mui superior a la que tienen la mayoría de los títulos de grau esistentes nesti momentu na Facultá de Filoloxía".
Pela so parte, el Conceyu Universitariu pol Asturianu (CUPA), espresó la so "felicitación a la Xunta de Facultá de Filoloxía pola aprobación de la propuesta". L'aprobación d'esti plan ye, dende'l puntu de vista del CUPA, "un pasu históricu pal asturianu, qu'entra per primer vegada dientro de les enseñances reglaes y oficiales universitaries". Amás, esti cambiu "dexa abierta la posibilidá de que la propia demanda del enseñu d'asturianu na Universidá, convierta'l 'minor' nun 'maior' nun futuru", afirmó la organización.
La presidenta de l'Academia de la Llingua Asturiana (ALLA), Ana Cano, y ex decana de la Facultá de Filoloxía, afirmó nun entender por qué'l Decanatu nun presentó a la votación la so antigua propuesta d'estudios de llingua asturiana, en llugar del Minor de 48 creitos, aprobáu a lo último. Cano recordó les matizaciones qu'espresó demientres la so intervención na Xunta, na que votó a favor de la propuesta d'integración d'estudios de llingua al traviés d'un Minor.
"Nun entiendo por qué'l decanu nun presentó l'anterior propuesta", afimró. Referíase a la plantegada pol so equipu decana a l'anterior Xunta, celebrada en xunu, y qu'incluyía la posibilidá d'estudiar asturianu, al traviés del Minor, o bien al traviés d'un bloque de 72 creitos denomináu Llingua A, otru de 48, denomináu Llingua B, equivalente al Minor. La propuesta foi refugada al aprobase una enmienda contraria del profesor Félxi Fernández de Castro, motivu pol que Cano presentó la so dimisión como decana. El so sustitutu nel cargu, José Antonio Martíenz, presentó la agora aprobada opción de Minor como solución al conflictu.
Sin embargu, Cano tien claro que "nun existe nenguna razón de tipu llegal", que torgare volver presentar l'anterior propuesta y amás aseguró que na Xunta, tres la so intervención, tampoco se-y ofreció nengún argumentu que lu xustificare. Nesti sen caltuvo, y afirma que va siguir calteniendo, que'l Minor ye "insuficiente dafechu" de cara a la formación de profesores de Llingua Asturiana. Pero xustificó'l so votu a favor del Minor en que "nun se dio otra posibilidá", y añadió: "cómo voi votar a la escontra de dalgo qu'amás forma parte d'una propuesta del mio anterior equipu decanal".
Dexó claro de la mesma manera que los estudios d'asturianu "tienen de tar integraos na ufierta de la Facultá de Filoxía y a cargu de la mesma Facultá", y qu'eso ha ser asina porque existe un mandatu nesti sen de la Llei d'Usu y Promoción.
Per otra parte, ante la posibilidá de que nel futuru, y en función de la demanda que tenga'l Minor, se plantegue de nuevo la posibilidá de crear un Maior, Cano mostróse pesimista. Recordó que'l Títulu Propiu (estudios de postgráu que nesti momentu s'exixen a llicenciaos en Filoloxía y diplomaos en Maxisteriu pa poder ser profesores d'asturianu) nació en 1994 como dalgo provisional, hasta que s'integraren los estudios d'asturianu dientro de los planes de Filoloxía. Hubo poro qu'esperar 14 años pa que se llograre tal integración al traviés del Minor. "Yá vemos lo que da de sí la provisionalidá", afirmó Cano.
Ramón d'Andrés, profesor titular de la Facultá de Filoloxía, declaró: "Nunca nun hubiera hasta agora una votación na que tantos votaran a favor de la llingua asturiana. Ye un momentu históricu"; José Luis García Martín, profesor de la mesma Facultá, fai una valoración mui parecida: "Queda mui claro, en viendo la diferencia de votos, cuálu ye'l sentir de la Facultá. La mayoría ta a favor de la propuesta del decanu José Antonio Martínez"; otra manera, Juan Carlos Villaverde Amieva, tamién profesor del mesmu Claustru, extiéndese en más detalles: "El resultáu a favor de la llingua asturiana de la votación nesta Xunta de Facultá representa la culminación d'una forma de facer les coses, d'una bona manera de facer les coses que se debe a la bona mano de José Antonio Martínez. Non sólo llogra llevar a bon tálamu la reforma de titulaciones, una xera bien complicada, sinón que consigue los suficientes consensos pa encaxar nesa reforma los estudios de llingua asturiana d'una manera digna. Otres instancies, como'l Seminariu de Filoloxía Asturiana, collaboraron na busca d'esos consensos. Frente a la manera desastrosa y encrespada cola que se llevó tradicionalmente esti tema, finalmente impúxose una solución auténticamente académica. Trátase d'un gran triunfu de la Facultá, un triunfu que supón el primer día del futuru. Les coses queden clares. Por fin la Universidá d'Uviéu da'l pasu y asume como propios los estudios de llingua asturiana".
> Noticia esbillada d'Europa Press(1), Europa Press(2), Europa Press(3) y Les Noticies.
> La noticia, n'Asturies.com y Asturnews.
> Más info (de Les Noticies):
L'alcuentru tenía como oxetivu dar el vistu bonu a la propuesta de Títulos de Grau plantegada pol Decanatu, de cara a los futuros estudios de Filoloxía, tres la reforma de los estudios universitarios p'adautalos al Espaciu Européu d'Enseñances Superiores (EEES). El decanu proponía la creación de cinco títulos de grau (actuales carreres), compuestos por un Maior (120 creitos), combinable con un Minor. Ente los Minores, figura'l d'asturianu.
Dao que la posibilidá de creación del Minor contaba con una enmienda contraria presentada pol profesor Félix Fernández de Castro, esti puntu de la propuesta debió votase a parte del restu del conxuntu. El resultáu foi de 63 votos a favor del Minor, 27 a la escontra y cuatro en blancu, la mayor diferencia a favor de la llingua asturiana na historia de les votaciones de la Facultá de Filoloxía.
Enantes de la votación, hubo delles intervenciones n'apoyu a la propuesta del decanu, ente les que destacaron la de los catedráticos Antonio Vespertino Rodríguez (Llingües Romániques) y Ana Cano (ex decana y presidenta de l'Academia de la Llingua Asturiana), amás d'otros profesores, como Xulio Viejo, Juan Carlos Villaverde o Miguel Ramos Corrada.
El vistu bonu a esta propuesta supón que, per primer vez na historia de la Institutción académica asturiana, la llingua cuente con un títulu universitariu oficial y regláu que, si bien nun va ser igual qu'una llicenciatura, sí va exixise pa poder impartir clases de lligua asturiana tanto n'enseñanza primaria como en secundaria.
Esti aspeutu xeneró un alderique nos últimos díes, dientro de sectores asturianistes. La ex decana, Ana Cano, ta acabante de defender la insuficiencia del Minor pa formar a los futuros docentes d'asturianu, mientres otros profesores, como los del Seminariu de Filoloxía Asturiana, lo consideraben un avance sobre la situación actual.
Pese a la so repercusión mediática, el Minor d'asturianu ye un aspeutu más dientro de la propuesta xeneral de títulos del decanu, que foi aprobada definitivamente güei, ensin nin tan siquiera sometese a votación, puesto qu'existía yá un consensu previu.
La Facultá de Filoloxía va ofrecer cinco títulos de grau: Estudios Ingleses, Llingua Española y les sos Lliteratures, Llingües y Lliteraturaes Romániques y Comparaes (que va incluyir Maiores d efrancés, italianu y portugués), Estudios Clásicos y Llingües y Lliteratures Modernes (que va incluyir los memos Maiores de Romániques, amás d'un d'alemán).
La previsión ye qu'estos estudios se pongan en marcha de magar el cursu 2010-2011. Hasta entós, la propuesta ha desarrollase en dellos planes d'estudios, y aprobase n'instancies superiores, tanto autonómiques como estatales.
Organizaciones que defenden la llingua asturiana mostraron postures diferentes, tres l'aprobación de la propuesta. Mientres el Conceyu Universitariu pol Asturianu (CUPA) mostró la so satisfaición. La Xunta pola Defensa de la Llingua Asturiana (XPDLL) cualtién la crítica de "insuficiente" carga llectiva d'estos estudios y entiende que la solución adoptada ye "claramente insuficiente, porque caltién a la llingua asturiana nun estatus marxinal, en comparanza col rangu qu'ocupen el restu llingües con estudios reglaos de filoloxía".
La organización afirmó que "nun existen razones técniques que lleven a esta solución de compromisu". "Nel ámbitu universitariu nun esiste alderique sobre la esistencia como tal de la llingua asturiana, esiste cuerpu de profesores abondo pa entamar una titulación propia de grau y esiste demanda d'estudiantes, mui superior a la que tienen la mayoría de los títulos de grau esistentes nesti momentu na Facultá de Filoloxía".
Pela so parte, el Conceyu Universitariu pol Asturianu (CUPA), espresó la so "felicitación a la Xunta de Facultá de Filoloxía pola aprobación de la propuesta". L'aprobación d'esti plan ye, dende'l puntu de vista del CUPA, "un pasu históricu pal asturianu, qu'entra per primer vegada dientro de les enseñances reglaes y oficiales universitaries". Amás, esti cambiu "dexa abierta la posibilidá de que la propia demanda del enseñu d'asturianu na Universidá, convierta'l 'minor' nun 'maior' nun futuru", afirmó la organización.
La presidenta de l'Academia de la Llingua Asturiana (ALLA), Ana Cano, y ex decana de la Facultá de Filoloxía, afirmó nun entender por qué'l Decanatu nun presentó a la votación la so antigua propuesta d'estudios de llingua asturiana, en llugar del Minor de 48 creitos, aprobáu a lo último. Cano recordó les matizaciones qu'espresó demientres la so intervención na Xunta, na que votó a favor de la propuesta d'integración d'estudios de llingua al traviés d'un Minor.
"Nun entiendo por qué'l decanu nun presentó l'anterior propuesta", afimró. Referíase a la plantegada pol so equipu decana a l'anterior Xunta, celebrada en xunu, y qu'incluyía la posibilidá d'estudiar asturianu, al traviés del Minor, o bien al traviés d'un bloque de 72 creitos denomináu Llingua A, otru de 48, denomináu Llingua B, equivalente al Minor. La propuesta foi refugada al aprobase una enmienda contraria del profesor Félxi Fernández de Castro, motivu pol que Cano presentó la so dimisión como decana. El so sustitutu nel cargu, José Antonio Martíenz, presentó la agora aprobada opción de Minor como solución al conflictu.
Sin embargu, Cano tien claro que "nun existe nenguna razón de tipu llegal", que torgare volver presentar l'anterior propuesta y amás aseguró que na Xunta, tres la so intervención, tampoco se-y ofreció nengún argumentu que lu xustificare. Nesti sen caltuvo, y afirma que va siguir calteniendo, que'l Minor ye "insuficiente dafechu" de cara a la formación de profesores de Llingua Asturiana. Pero xustificó'l so votu a favor del Minor en que "nun se dio otra posibilidá", y añadió: "cómo voi votar a la escontra de dalgo qu'amás forma parte d'una propuesta del mio anterior equipu decanal".
Dexó claro de la mesma manera que los estudios d'asturianu "tienen de tar integraos na ufierta de la Facultá de Filoxía y a cargu de la mesma Facultá", y qu'eso ha ser asina porque existe un mandatu nesti sen de la Llei d'Usu y Promoción.
Per otra parte, ante la posibilidá de que nel futuru, y en función de la demanda que tenga'l Minor, se plantegue de nuevo la posibilidá de crear un Maior, Cano mostróse pesimista. Recordó que'l Títulu Propiu (estudios de postgráu que nesti momentu s'exixen a llicenciaos en Filoloxía y diplomaos en Maxisteriu pa poder ser profesores d'asturianu) nació en 1994 como dalgo provisional, hasta que s'integraren los estudios d'asturianu dientro de los planes de Filoloxía. Hubo poro qu'esperar 14 años pa que se llograre tal integración al traviés del Minor. "Yá vemos lo que da de sí la provisionalidá", afirmó Cano.
Ramón d'Andrés, profesor titular de la Facultá de Filoloxía, declaró: "Nunca nun hubiera hasta agora una votación na que tantos votaran a favor de la llingua asturiana. Ye un momentu históricu"; José Luis García Martín, profesor de la mesma Facultá, fai una valoración mui parecida: "Queda mui claro, en viendo la diferencia de votos, cuálu ye'l sentir de la Facultá. La mayoría ta a favor de la propuesta del decanu José Antonio Martínez"; otra manera, Juan Carlos Villaverde Amieva, tamién profesor del mesmu Claustru, extiéndese en más detalles: "El resultáu a favor de la llingua asturiana de la votación nesta Xunta de Facultá representa la culminación d'una forma de facer les coses, d'una bona manera de facer les coses que se debe a la bona mano de José Antonio Martínez. Non sólo llogra llevar a bon tálamu la reforma de titulaciones, una xera bien complicada, sinón que consigue los suficientes consensos pa encaxar nesa reforma los estudios de llingua asturiana d'una manera digna. Otres instancies, como'l Seminariu de Filoloxía Asturiana, collaboraron na busca d'esos consensos. Frente a la manera desastrosa y encrespada cola que se llevó tradicionalmente esti tema, finalmente impúxose una solución auténticamente académica. Trátase d'un gran triunfu de la Facultá, un triunfu que supón el primer día del futuru. Les coses queden clares. Por fin la Universidá d'Uviéu da'l pasu y asume como propios los estudios de llingua asturiana".
> Noticia esbillada d'Europa Press(1), Europa Press(2), Europa Press(3) y Les Noticies.
> La noticia, n'Asturies.com y Asturnews.
> Más info (de Les Noticies):
Defensa del Minor del profesor Xulio Viejo.
Enmienda del profesor Félix Fernández de Castro.
Defensa del Minor del profesor Xuan Carlos Villaverde Amieva.
Propuesta de titulaciones del decanu José Antonio Martínez.
Labels: Llingua Asturiana
<< Home