La Xunta pola Defensa de la Llingua acusa a dos colexos de Xixón de "impedir con amenaces la matrícula n'asturianu"
La Xunta pola Defensa de la Llingua Asturiana (XPDLL) acusó a dos colexos concertaos de Xixón, "San Vicente de Paúl" y "L'Asunción", de "impedir la matriculación n'asturianu con amenaces y mentires". La organización denunció, al traviés d'un comunicáu, dos casos "d'ataques a la escolarización de la llingua asturiana y a los derechos llingüísticos y educativos de los escolinos y escolines".
Según la nota, a la que tuvo accesu Europa Press, nel casu del colexu L'Asunción, "dellos familiares d'alumnos ficieron llegar a la Xunta la denuncia de que la direición del centru repartiere unes fueyes onde se pidía espresamente a los pas que renunciaren a les clases d'asturianu non sólo pa esti cursu sinón tamién pa los cursos socesivos". "Con esta política, la escuela incumple tola llexislación vixente pal enseñu del asturianu, que ye clara a la hora d'obligar a ufiertar la matriculación ensin amenaces nin torgues de nenguna clase", añadió.
"La fueya unviada p'amedranar a los pas y facelos comprometese contra la llingua asturiana ye un incumplimientu de la llei que tien que tener consecuencies alministratives inmediates", reclama'l testu.
Nel casu de la escuela concertada San Vicente de Paúl, "la direición del centru ufierta la posibilidá de matriculación tal y como pide la llei, pero desque hubo abondos pas qu'escoyeron que los sos fíos se matricularen na asignatura, la directora del centru alvirtiólos, mintiendo, contra la matriculación en Llingua Asturiana, afirmando que si asisten a clases d'asturianu pierden una hora de llingua castellana a la selmana", asegura'l comunicáu. "Esta amenaza fixo que los pas de munchos alumnos se volvieren atrás na demanda de matriculación y que los qu'al final siguen cola idea de matriculase s'atopen con que'l centru diz-yos que nun hai abondos matriculaos", añádese.
La XPDLL anunció que va tomar les "aiciones llegales necesaries pa cambiar esta llaceriosa situación" y recuerda que la llei prohíbe que'l escoyer asturianu seya motivu de discriminación de los alumnos y qu'impide que l'asignatura compita con otres materies, responsabilizando d'estos casos a la Conseyería d'Educación: "Queda demostrao a les clares que la Inspeición educativa nun actúa y qu'estes maniobres cuenten col vistu buenu tácitu del Principáu".
> Noticia esbillada d'Europa Press.
Según la nota, a la que tuvo accesu Europa Press, nel casu del colexu L'Asunción, "dellos familiares d'alumnos ficieron llegar a la Xunta la denuncia de que la direición del centru repartiere unes fueyes onde se pidía espresamente a los pas que renunciaren a les clases d'asturianu non sólo pa esti cursu sinón tamién pa los cursos socesivos". "Con esta política, la escuela incumple tola llexislación vixente pal enseñu del asturianu, que ye clara a la hora d'obligar a ufiertar la matriculación ensin amenaces nin torgues de nenguna clase", añadió.
"La fueya unviada p'amedranar a los pas y facelos comprometese contra la llingua asturiana ye un incumplimientu de la llei que tien que tener consecuencies alministratives inmediates", reclama'l testu.
Nel casu de la escuela concertada San Vicente de Paúl, "la direición del centru ufierta la posibilidá de matriculación tal y como pide la llei, pero desque hubo abondos pas qu'escoyeron que los sos fíos se matricularen na asignatura, la directora del centru alvirtiólos, mintiendo, contra la matriculación en Llingua Asturiana, afirmando que si asisten a clases d'asturianu pierden una hora de llingua castellana a la selmana", asegura'l comunicáu. "Esta amenaza fixo que los pas de munchos alumnos se volvieren atrás na demanda de matriculación y que los qu'al final siguen cola idea de matriculase s'atopen con que'l centru diz-yos que nun hai abondos matriculaos", añádese.
La XPDLL anunció que va tomar les "aiciones llegales necesaries pa cambiar esta llaceriosa situación" y recuerda que la llei prohíbe que'l escoyer asturianu seya motivu de discriminación de los alumnos y qu'impide que l'asignatura compita con otres materies, responsabilizando d'estos casos a la Conseyería d'Educación: "Queda demostrao a les clares que la Inspeición educativa nun actúa y qu'estes maniobres cuenten col vistu buenu tácitu del Principáu".
> Noticia esbillada d'Europa Press.
Labels: Derechos Llingüísticos
<< Home