Félix Fernández de Castro mira otra vuelta de sacar la llingua asturiana de los estudios universitarios
El profesor de la Facultá de Filoloxía de la Universidá d'Uviéu ta acabante mandar una carta a los compañeros na qu’anuncia la so intención de presentar una nueva propuesta na Xunta de Facultá, cola que quier sacar a la llingua asturiana definitivamente y dafechu de los estudios reglaos. Fernández de Castro ye conocíu pola so primer enmienda, que consiguió echar p’atrás la propuesta de la entós decana de la filoloxía, Ana Mª Cano.
Los esfuercios del decanu en funciones actual, José Antonio Martínez, pa meter al asturianu nel sistema d’estudios européu al traviés d’un minor, “que pudiere axuntar más votos que la propuesta anterior” puen vese torgaos si la propuesta del profesor Fernández de Castro trunfa.
Según la carta unviada pol profesor la enmienda que va presentar, ha facese con votación secreta, pa que “cada miembru de la Xunta esprese la so preferencia respectu a la presencia o non d’un 'Minor' d’Asturianu nel futuru catálogu de la Facultá, y lo faiga escoyendo ente les dos opciones siguientes: Opción A: Mantenimientu del 'Minor' n’Asturianu'; Opción B: Esclusión del 'Minor' n’Asturianu”.
La xustificación que da Fernández de Castro na so carta ye “la dulda de qu'esista una demanda social del asturianu”, entrugándose “quién evaluó esa demanda social. Yo, polo menos, nun creo qu’esista cosa tala. Invóquense les peticiones d’un Conseyeru Rexonal, relatives a les necesidaes de la enseñanza secundaria. Agora bien, ye conocío qu’estos díes el Gobiernu Rexonal vese obligáu a negociar un pactu con una formación minoritaria qu’esixe xestos pa col asturianu. ¿Acasu va determinar una coyuntura meramente parllamentaria lo que diseñamos na Facultá?”, diz.
Esa demanda social, según Félix Fernández de Castro, ta reducida “a una constelación de pequeños grupos, anque con gran proyección mediática”. Según el profesor “en xunu, 34 miembros de la Facultá de Filoloxía votamos contra la titulación, y 15 persones encerraes 4 díes xunto al despachu del Rector pa protestar por ello. ¿Quién acabó mereciendo más atención, dende’l puntu de vista institucional?”.
Según el profesor, nun s’opone a “a la docencia venceyada a la investigación científica” pero camienta que la que se manda dende’l Decanatu “ye más bien una propuesta normativa, reguladora, destinada a construyir una realidá que dalgunos, mui pocos, deseen. Toi convencíu de qu’esti proyectu del nuesu equipu decanal busca sobre too favorecer lo primero [la investigación científica de la llingua asturiana]; pero llega a nós sofitándose nuna solicitú, d’orixe pretendidamente "social", que prefigura la so deriva p’hacia lo segundo”.
La razón del votu secretu ye pal profesor “la única forma segura de falar, ensin esponenos al insultu, l’amenaza, o dalgo peor”.
El portavoz de la Xunta pola Defensa de la Llingua Asturiana (XPDLL), Xulio Casado, señaló que “na reunión que tuvimos ayer col decanu José Antonio Martínez confirmó la intención del Fernández de Castro de presentar una enmienda contra la creación del Minor d’asturianu, anque dixo que confiaba que la enmienda del profesor fuere derrotada y saliere p’alantre la propuesta del decanatu”.
Pa la XPDLL “ye de llamentar que’l profesor Fernández de Castro plantee esta enmienda en términos políticos y estráu de prexuicios y opiniones personales, cuando los criterios a siguir nuna institución como la Universidá deberíen ser de tipu cientificu, académicu y de demanda social”, calificando la carta de Fernández de Castro de “panfletu políticu”.
Pela so banda, la Presidenta de l’Academia de la Llingua Asturiana (ALLA) y exdecana de la Facultá de Filoloxía, Ana Cano, señaló que “evidentemente el profesor Fernández de Castro tien total llibertá pa presentar esa enmienda y redactar esa carta anunciando la so intención nos términos que quiera, pero en cualquier casu debería argumentar en base a criterios académicos y non políticos, qu’amás nun son ciertos”.
Conseñó amás que “ye de llamentar que s’utilicen argumentos non académicos”, y recordó que “cuando n’anterior votación planteamos la inclusión del asturianu nos nuevos planes d’estudiu, fixímoslo en base a criterios académicos, que son los que se deben emplegar na Facultá de Filoloxía”. Asimesmo añadió que “l’asturianu debe tar presente na Universidá, ente otres munches razones porque’l profesoráu d’asturianu tien de formase en base a enseñances reglaes, que son el calce normal pa desempeñar la so función”.
> Noticia esbillada d'Asturnews y d'Asturies.com
Los esfuercios del decanu en funciones actual, José Antonio Martínez, pa meter al asturianu nel sistema d’estudios européu al traviés d’un minor, “que pudiere axuntar más votos que la propuesta anterior” puen vese torgaos si la propuesta del profesor Fernández de Castro trunfa.
Según la carta unviada pol profesor la enmienda que va presentar, ha facese con votación secreta, pa que “cada miembru de la Xunta esprese la so preferencia respectu a la presencia o non d’un 'Minor' d’Asturianu nel futuru catálogu de la Facultá, y lo faiga escoyendo ente les dos opciones siguientes: Opción A: Mantenimientu del 'Minor' n’Asturianu'; Opción B: Esclusión del 'Minor' n’Asturianu”.
La xustificación que da Fernández de Castro na so carta ye “la dulda de qu'esista una demanda social del asturianu”, entrugándose “quién evaluó esa demanda social. Yo, polo menos, nun creo qu’esista cosa tala. Invóquense les peticiones d’un Conseyeru Rexonal, relatives a les necesidaes de la enseñanza secundaria. Agora bien, ye conocío qu’estos díes el Gobiernu Rexonal vese obligáu a negociar un pactu con una formación minoritaria qu’esixe xestos pa col asturianu. ¿Acasu va determinar una coyuntura meramente parllamentaria lo que diseñamos na Facultá?”, diz.
Esa demanda social, según Félix Fernández de Castro, ta reducida “a una constelación de pequeños grupos, anque con gran proyección mediática”. Según el profesor “en xunu, 34 miembros de la Facultá de Filoloxía votamos contra la titulación, y 15 persones encerraes 4 díes xunto al despachu del Rector pa protestar por ello. ¿Quién acabó mereciendo más atención, dende’l puntu de vista institucional?”.
Según el profesor, nun s’opone a “a la docencia venceyada a la investigación científica” pero camienta que la que se manda dende’l Decanatu “ye más bien una propuesta normativa, reguladora, destinada a construyir una realidá que dalgunos, mui pocos, deseen. Toi convencíu de qu’esti proyectu del nuesu equipu decanal busca sobre too favorecer lo primero [la investigación científica de la llingua asturiana]; pero llega a nós sofitándose nuna solicitú, d’orixe pretendidamente "social", que prefigura la so deriva p’hacia lo segundo”.
La razón del votu secretu ye pal profesor “la única forma segura de falar, ensin esponenos al insultu, l’amenaza, o dalgo peor”.
El portavoz de la Xunta pola Defensa de la Llingua Asturiana (XPDLL), Xulio Casado, señaló que “na reunión que tuvimos ayer col decanu José Antonio Martínez confirmó la intención del Fernández de Castro de presentar una enmienda contra la creación del Minor d’asturianu, anque dixo que confiaba que la enmienda del profesor fuere derrotada y saliere p’alantre la propuesta del decanatu”.
Pa la XPDLL “ye de llamentar que’l profesor Fernández de Castro plantee esta enmienda en términos políticos y estráu de prexuicios y opiniones personales, cuando los criterios a siguir nuna institución como la Universidá deberíen ser de tipu cientificu, académicu y de demanda social”, calificando la carta de Fernández de Castro de “panfletu políticu”.
Pela so banda, la Presidenta de l’Academia de la Llingua Asturiana (ALLA) y exdecana de la Facultá de Filoloxía, Ana Cano, señaló que “evidentemente el profesor Fernández de Castro tien total llibertá pa presentar esa enmienda y redactar esa carta anunciando la so intención nos términos que quiera, pero en cualquier casu debería argumentar en base a criterios académicos y non políticos, qu’amás nun son ciertos”.
Conseñó amás que “ye de llamentar que s’utilicen argumentos non académicos”, y recordó que “cuando n’anterior votación planteamos la inclusión del asturianu nos nuevos planes d’estudiu, fixímoslo en base a criterios académicos, que son los que se deben emplegar na Facultá de Filoloxía”. Asimesmo añadió que “l’asturianu debe tar presente na Universidá, ente otres munches razones porque’l profesoráu d’asturianu tien de formase en base a enseñances reglaes, que son el calce normal pa desempeñar la so función”.
> Noticia esbillada d'Asturnews y d'Asturies.com
Labels: Llingua Asturiana
<< Home