Cerca 3.000 ciudadanos manifestáronse n'Uviéu reclamando la oficialidá de llingua asturiana
Cerca 3.000 persones según el Conceyu Abiertu pola Oficialidá (CAO) (más de 2.000, según la Policía Local), manifestáronse n'Uviéu raclamando la oficialidá de llingua asturiana.
A les seis menos cuartu la xente entamaba a aconceyar alredor de la Estación de la Renfe d’Uviéu y les pancartes diben abriéndose una tres otra, cola bandera d’Asturies, en primer llugar, portada pol gaiteru Llorián García. Na primer pancarta, una amuesa del mundiu cultural y social d’Asturies, colos presentadores de la TPA, Xosé Ambás y Milio’l del Nido, el gaiteru José Ángel Hevia, l’artista Astur Paredes, la cantante Anabel Santiago y Fernando Ornosa, coordinador del CAO, ente otros.
En segundu llugar pudo vese la pancarta de los representantes políticos y sindicales, como, ente otros, .Jesús Iglesias, d’IX, Faustino Zapico de la UNA, Rafael Palacios, del Bloque por Asturies, l’alcalde de Ponga, de la Unión Asturianista, Candido Vega y el presidente de la URAS, Javier López
Fuera yá del baberu principal pudieron vese otres cares conocíes en política, como Noemí Martín, Laura González y Francisco Javier García Valledor, d’Izquierda Xunida.
Amás pudieron vese delles pancartes de la Xunta pola Defensa de la Llingua Asturiana, de Xunta Moza, Xeira, SUATEA, FETE-UGT, la nueva formación UNA, la formación política de mocedá FAI! y el PCPE coles sos mocedaes.
Yá na plaza la catedral y con un mui bon día, nel escenariu abrió les intervenciones Fernando Ornosa, dando les gracies a los asistentes y recordando la necesidá de la oficialidá na reforma del Estatutu. Darréu, Xosé Antón Ambás, etnográfu y presentador del programa “Camín de cantares”, na TPA, foi l’encargáu de lleer el manifiestu de la convocatoria, onde ente otres entrugues llanzó al aire la que sigue: “¿Qué mal fadríemos los asturianos pa tener nes cúpules de los grandes partíos a persones que tan pocu apreciu-y tienen a la cultura asturiana?”.
La voz d’Anabel Santiago, que cantó dos pieces, púnxo-y el pieslle a un actu onde participaron cerca 3.000 persones según al organización.
> Noticia esbillada d'Asturnews y Asturies.com.
A les seis menos cuartu la xente entamaba a aconceyar alredor de la Estación de la Renfe d’Uviéu y les pancartes diben abriéndose una tres otra, cola bandera d’Asturies, en primer llugar, portada pol gaiteru Llorián García. Na primer pancarta, una amuesa del mundiu cultural y social d’Asturies, colos presentadores de la TPA, Xosé Ambás y Milio’l del Nido, el gaiteru José Ángel Hevia, l’artista Astur Paredes, la cantante Anabel Santiago y Fernando Ornosa, coordinador del CAO, ente otros.
En segundu llugar pudo vese la pancarta de los representantes políticos y sindicales, como, ente otros, .Jesús Iglesias, d’IX, Faustino Zapico de la UNA, Rafael Palacios, del Bloque por Asturies, l’alcalde de Ponga, de la Unión Asturianista, Candido Vega y el presidente de la URAS, Javier López
Fuera yá del baberu principal pudieron vese otres cares conocíes en política, como Noemí Martín, Laura González y Francisco Javier García Valledor, d’Izquierda Xunida.
Amás pudieron vese delles pancartes de la Xunta pola Defensa de la Llingua Asturiana, de Xunta Moza, Xeira, SUATEA, FETE-UGT, la nueva formación UNA, la formación política de mocedá FAI! y el PCPE coles sos mocedaes.
Yá na plaza la catedral y con un mui bon día, nel escenariu abrió les intervenciones Fernando Ornosa, dando les gracies a los asistentes y recordando la necesidá de la oficialidá na reforma del Estatutu. Darréu, Xosé Antón Ambás, etnográfu y presentador del programa “Camín de cantares”, na TPA, foi l’encargáu de lleer el manifiestu de la convocatoria, onde ente otres entrugues llanzó al aire la que sigue: “¿Qué mal fadríemos los asturianos pa tener nes cúpules de los grandes partíos a persones que tan pocu apreciu-y tienen a la cultura asturiana?”.
La voz d’Anabel Santiago, que cantó dos pieces, púnxo-y el pieslle a un actu onde participaron cerca 3.000 persones según al organización.
> Noticia esbillada d'Asturnews y Asturies.com.
Labels: Derechos Llingüísticos
<< Home