La campaña "Doi la cara pola oficialidá" lleva recoyíes más de 7.000 semeyes
La campaña "Doi la cara pola oficialidá", que recueye semeyes de persones que posen con carteles que reivindiquen la oficialidá de la llingua asturiana na reforma del Estatutu d'Autonomía d'Asturies, lleva yá recoyíes más de 7.000 fotos.
Asina lo informó'l coordinador y diseñador de la mesma, Poli Mencía, en rueda prensa na que compareció con Fernando Ornosa, voceru del Conceyu Abiertu pola Oficialidá (CAO), que punxo en marcha la iniciativa.
Nesti momentu, según Mencía, haí subíes na páxina web doilacara.net 6.297 semeyes, a les que Mencía sumó otres "más de 600" que se realizaron demientres esti fin de selmana y tovía nun fueron colgaes.
Ente'l total de semeyes subíes, destaca, penriba del restu, la del futbolista David Villa, fecha a la so llegada a Asturies dempués de la so participación na Eurocopa 2008. Otres persones conocíes que tamién salen retrataes son el ciclista Chechu Rubiera, la escritora Corín Tellado o los componentes del grupu Nuberu, Chus Pedro y Manolo Peñayos.
Doilacara.net ofrez la posibilidá de descargar el cartel col que se ha facer la semeya. Según el coordinador de la campaña, munches persones lo ficieron aprovechando los sos viaxes de vacaciones nesti branu. Asina, se recibieron semeyes de xente que posa na Plaza Roxa de Moscú, na Muralla China o nel centru de Lisboa.
Mencía destacó tamién que la páxina recibió cerca de mediu millón de visites y que'l corréu de la mesma acumuló un total de 3.451 megues d'información de datos recibíos d'internautes qu'apoyen la campaña.
Amás, de les semeyes, los organizadores tamién tán colgando vídeos na páxina youtube.com de persones "de reconocíu prestixu social" qu'apoyen la oficialidá. Nesti momentu hai tres subíos: ún de José Ángel Hevia, otru de Corín Tellado y otru de Carmen Ojeda.
La campaña tamién va visualizase na cai de magar esta selmana, mediante l'espardimientu de folletos esplicativos, pegatines y la venta de camisetes col títulu: "Yo doi la cara pola Oficialidá".
> Noticia esbillada d'Asturies.com
Asina lo informó'l coordinador y diseñador de la mesma, Poli Mencía, en rueda prensa na que compareció con Fernando Ornosa, voceru del Conceyu Abiertu pola Oficialidá (CAO), que punxo en marcha la iniciativa.
Nesti momentu, según Mencía, haí subíes na páxina web doilacara.net 6.297 semeyes, a les que Mencía sumó otres "más de 600" que se realizaron demientres esti fin de selmana y tovía nun fueron colgaes.
Ente'l total de semeyes subíes, destaca, penriba del restu, la del futbolista David Villa, fecha a la so llegada a Asturies dempués de la so participación na Eurocopa 2008. Otres persones conocíes que tamién salen retrataes son el ciclista Chechu Rubiera, la escritora Corín Tellado o los componentes del grupu Nuberu, Chus Pedro y Manolo Peñayos.
Doilacara.net ofrez la posibilidá de descargar el cartel col que se ha facer la semeya. Según el coordinador de la campaña, munches persones lo ficieron aprovechando los sos viaxes de vacaciones nesti branu. Asina, se recibieron semeyes de xente que posa na Plaza Roxa de Moscú, na Muralla China o nel centru de Lisboa.
Mencía destacó tamién que la páxina recibió cerca de mediu millón de visites y que'l corréu de la mesma acumuló un total de 3.451 megues d'información de datos recibíos d'internautes qu'apoyen la campaña.
Amás, de les semeyes, los organizadores tamién tán colgando vídeos na páxina youtube.com de persones "de reconocíu prestixu social" qu'apoyen la oficialidá. Nesti momentu hai tres subíos: ún de José Ángel Hevia, otru de Corín Tellado y otru de Carmen Ojeda.
La campaña tamién va visualizase na cai de magar esta selmana, mediante l'espardimientu de folletos esplicativos, pegatines y la venta de camisetes col títulu: "Yo doi la cara pola Oficialidá".
> Noticia esbillada d'Asturies.com
Labels: Derechos Llingüísticos
<< Home