Francisco Llera Ramo: «ye una falta de respetu a la realidá llingüística d'Asturies y de los asturianos y asturianes»

Alrodiu los alcuerdos algamaos na ponencia pa la reforma estatutaria cincantes al tratamientu xurídicu de la llingua asturiana, el Catedráticu y Direutor del Departamentu de Ciencia Política y de l'Alministración de la Universidá del País Vascu, Francisco Llera Ramo, declaró qu'«esti asuntu ye totalmente decepcionante. Amás, esta definición de la llingua como "patrimonio lingüístico" supón un retrocesu y un pasu atrás». Llera Ramo amás comentó que «tolo demás ye voluntarismu y, rebaxando'l estatus de la llingua asturiana, lo que faen PSOE y PP ye lliberáse de cualquier compromisu pa cola llingua», considerando que «dende'l puntu de vista democráticu ye una falta de respetu a la realidá llingüística d'Asturies y de los asturianos y asturianes».

> Noticia esbillada de Les Noticies.