El Rexistru de la Universidá d'Uviéu refuga un escritu n'asturianu dirixíu al Reutor
El profesor de Dialeutoloxía na Facultá de Filoloxía de la Universidá d'Uviéu, Xosé Lluis García Arias, llevantó Acta Notarial del refugue a un escritu n'asturianu presentáu por elli y dirixíu al Reutor, por parte d'una funcionaria del Rexistru de la Universidá d'Uviéu.
Pal profesor García Arias, lo que demuestra esto son dos coses: primero, que'l Reutor queda desautorizáu porque nun ye quién a controlar los servicios téunicos de la Universidá, que yá nun ye una institución estatal, sinón rexonal; y, segundo, que los poderes públicos ríense de la Xunta Xeneral del Principáu, qu'aprueba lleis qu'habríen de cumplise y por embargu incumplen de forma sistemático. Conclusión: «mentantu nun haya oficialidá, nun hai ná que facer».
La Universidá d'Uviéu desixe que tola documentación que se-y presenta tien de dir escrita en castellán, d'acordies colo dimpuestu nel artículu 36 de la llei de Réxime Xurídicu de les Alministraciones Públiques y del Procedimientu Alministrativu Común, que diz que la llingua de los procedimientos tramitaos pola Alministración Xeneral del Estáu habrá ser el castellán. Arias alvierte de que la Universidá d'Uviéu pertenez a la Alministración del Principáu d'Asturies, que tien una llei d'usu del asturianu qu'habría respetase: l'artículu 36 citáu tien un segundu separtáu que diz que, nos procedimientos tramitaos nes autonomíes, «l'usu de la llingua axustaráse a lo previsto na llexislación autonómica correspondiente».
García Arias albidra que tres de la campaña d'ataque ensin precedentes escontra l'asturianu atópase'l Gobiernu del Principáu, teniendo como causa el debate so la reforma l'Estatutu d'Autonomía.
"Nun ye casual qu'aparentemente un espontaniu salga a dicir que non al asturianu y que'l Gobiernu del Principáu nun rechiste", dixo de lo asocedío na Xunta de Facultá de Filoloxía, onde la enmienda d'un individuu echó abaxo los estudios de grau d'asturianu. Sigún García Arias, tamos nuna situación na que "los asturianos somos estranxeros nel propiu país".
> Noticia esbillada de La Nueva España, La Voz de Asturias y Atlantic Prau.
Pal profesor García Arias, lo que demuestra esto son dos coses: primero, que'l Reutor queda desautorizáu porque nun ye quién a controlar los servicios téunicos de la Universidá, que yá nun ye una institución estatal, sinón rexonal; y, segundo, que los poderes públicos ríense de la Xunta Xeneral del Principáu, qu'aprueba lleis qu'habríen de cumplise y por embargu incumplen de forma sistemático. Conclusión: «mentantu nun haya oficialidá, nun hai ná que facer».
La Universidá d'Uviéu desixe que tola documentación que se-y presenta tien de dir escrita en castellán, d'acordies colo dimpuestu nel artículu 36 de la llei de Réxime Xurídicu de les Alministraciones Públiques y del Procedimientu Alministrativu Común, que diz que la llingua de los procedimientos tramitaos pola Alministración Xeneral del Estáu habrá ser el castellán. Arias alvierte de que la Universidá d'Uviéu pertenez a la Alministración del Principáu d'Asturies, que tien una llei d'usu del asturianu qu'habría respetase: l'artículu 36 citáu tien un segundu separtáu que diz que, nos procedimientos tramitaos nes autonomíes, «l'usu de la llingua axustaráse a lo previsto na llexislación autonómica correspondiente».
García Arias albidra que tres de la campaña d'ataque ensin precedentes escontra l'asturianu atópase'l Gobiernu del Principáu, teniendo como causa el debate so la reforma l'Estatutu d'Autonomía.
"Nun ye casual qu'aparentemente un espontaniu salga a dicir que non al asturianu y que'l Gobiernu del Principáu nun rechiste", dixo de lo asocedío na Xunta de Facultá de Filoloxía, onde la enmienda d'un individuu echó abaxo los estudios de grau d'asturianu. Sigún García Arias, tamos nuna situación na que "los asturianos somos estranxeros nel propiu país".
> Noticia esbillada de La Nueva España, La Voz de Asturias y Atlantic Prau.
Labels: Derechos Llingüísticos
<< Home