Aréstegui (PP) refuga la propuesta del CAO pa reconocer la oficialidá del asturianu
Según informa Europa Press, Joaquín Aréstegui, diputáu del Partíu Popular na Xunta Xeneral, afirmó que'l so partíu nun va asumir «de manera nenguna» la propuesta d'oficialidá del asturianu que-yos presentó'l Conceyu Abiertu pola Oficialidá. Aréstegui comprometióse colos representantes del CAO a comunicar la propuesta del colectivu al presidente del partíu, Ovidio Sánchez, anque depués del conceyu dexó claro que «nós nun somos partidarios de la cooficialidá, nin de la oficialidá del asturianu y, poro, esi testu nun lu vamos asumir de nenguna manera».
Estes palabres contrasten coles diches pol propiu Aréstegui nuna entrevista publicada en LES NOTICIES el 16 d'avientu de 2007, hai menos d'un añu. Nesa entrevista, el parllamentariu popular aseguró qu'«si se pudiere atopar una fórmula d'oficialidá na que se reconociera como un derechu, pero non como obligación, nun diba ser nada descartable». Esto, por nun falar de les postures d'otros miembros del PP asturianu, más claramente a favor de reconocer al asturianu l'estatus de llingua oficial, como l'alcalde d'Uviéu, Gabino de Lorenzo; el conceyal uviedín José Suárez Arias-Cachero, o la presidenta del PP en Xixón, Pilar Fernández-Pardo.
La contradicción faise entá más evidente cuando se llee'l modelu propuestu pol CAO, onde se diz: «Les llingües cooficiales del Principáu d'Asturies son el castellanu y l'asturianu. El gallego-asturianu, tamién ye llingua oficial nel so ámbitu territorial. Tolos ciudadanos tienen derechu a conoceles y usales. Naide va poder ser discrimináu pola mor de la llingua que llibremente escueya y utilice. Les Alministraciones públiques han garantizar l'usu normal d'estes llingües, amás de la so promoción, enseñanza y presencia amañosa nos medios de comunicación. Una llei de la Xunta Xeneral del Principáu tien de determinar los criterios del procesu de normalización llingüística».
Aréstegui, sicasí, quixo suavizar la rotundidá de les sos primeres palabres diciendo que, llegáu'l momentu, el so grupu va facer delles propuestes en favor de la normalización del asturianu. El so planteamientu quier colocar al PP más cerca de les posiciones del PSOE -que nin siquier recibió a los representantes del CAO-, que de les d'Izquierda Xunida-Bloque por Asturies-Los Verdes, l'únicu grupu parlamentariu que sí va apoyar na Xunta Xeneral el testu del CAO.
La negativa d'Aréstegui a aceptar la propuesta del CAO paez descartar de mano una postura favoratible del PP a la declaración d'oficialidá de la llingua asturiana na reforma del Estatutu d'Autonomía.
Sicasí, pela so parte, el Conceyu Abiertu pola Oficialidá (CAO) entiende que les declaraciones del parlamentariu popular "son individuales y nun recueyen el sentir del so partíu", según manifestó'l voceru d'esti colectivu, Fernando Ornosa, en declaraciones a Europa Press.
La d'Aréstegui ye "una declaración individual que se desmarca d'otros cargos del PP". Ente ellos, citó al alcalde d'Uviéu, Gabino de Lorenzo, a la cabeza del PP de Xixón, Pilar Fernández Pardo, o al secretariu xeneral de la formación, Reinerio Álvarez. "Toos ellos tienen feches declaraciones públiques a favor de la oficialidá", matizó Ornosa. Amás, recordó qu'ente les persones que tuvieron na presentación pública de la propuesta del CAO énte la Xunta Xeneral taben miembros del PP, ente ellos Humberto Gonzali.
Pa Ornosa, "ye una imprudencia desmarcase d'esta manera, ensin consultalo col restu del partíu", y afirmó qu'esta actitú "sólo conduz al asturianu a la desapaición". Dexó claro amás que "querer dar pasos hacia los derechos d'usu nun ye denguna garantía si nun hai oficialidá, porque la llingua nun tien validez xurídica, nin nel ámbitu priváu nin nes rellaciones coles Alministraciones".
El voceru del CAO acabó entrugándo-y a Aréstegui "qué motivos tien el PP pa nun asumir el testu del Conceyu". "Qu'espliquen públicamente por qué nun ye asumible", pidió Ornosa, amás d'espresar la so esperanza en qu'otros miembros del partíu se pronuncien sobre esti tema.
> Noticia esbillada de Les Noticies y Asturies.com, tamién n'Europa Press, Asurnews y Asturies.com
Estes palabres contrasten coles diches pol propiu Aréstegui nuna entrevista publicada en LES NOTICIES el 16 d'avientu de 2007, hai menos d'un añu. Nesa entrevista, el parllamentariu popular aseguró qu'«si se pudiere atopar una fórmula d'oficialidá na que se reconociera como un derechu, pero non como obligación, nun diba ser nada descartable». Esto, por nun falar de les postures d'otros miembros del PP asturianu, más claramente a favor de reconocer al asturianu l'estatus de llingua oficial, como l'alcalde d'Uviéu, Gabino de Lorenzo; el conceyal uviedín José Suárez Arias-Cachero, o la presidenta del PP en Xixón, Pilar Fernández-Pardo.
La contradicción faise entá más evidente cuando se llee'l modelu propuestu pol CAO, onde se diz: «Les llingües cooficiales del Principáu d'Asturies son el castellanu y l'asturianu. El gallego-asturianu, tamién ye llingua oficial nel so ámbitu territorial. Tolos ciudadanos tienen derechu a conoceles y usales. Naide va poder ser discrimináu pola mor de la llingua que llibremente escueya y utilice. Les Alministraciones públiques han garantizar l'usu normal d'estes llingües, amás de la so promoción, enseñanza y presencia amañosa nos medios de comunicación. Una llei de la Xunta Xeneral del Principáu tien de determinar los criterios del procesu de normalización llingüística».
Aréstegui, sicasí, quixo suavizar la rotundidá de les sos primeres palabres diciendo que, llegáu'l momentu, el so grupu va facer delles propuestes en favor de la normalización del asturianu. El so planteamientu quier colocar al PP más cerca de les posiciones del PSOE -que nin siquier recibió a los representantes del CAO-, que de les d'Izquierda Xunida-Bloque por Asturies-Los Verdes, l'únicu grupu parlamentariu que sí va apoyar na Xunta Xeneral el testu del CAO.
La negativa d'Aréstegui a aceptar la propuesta del CAO paez descartar de mano una postura favoratible del PP a la declaración d'oficialidá de la llingua asturiana na reforma del Estatutu d'Autonomía.
Sicasí, pela so parte, el Conceyu Abiertu pola Oficialidá (CAO) entiende que les declaraciones del parlamentariu popular "son individuales y nun recueyen el sentir del so partíu", según manifestó'l voceru d'esti colectivu, Fernando Ornosa, en declaraciones a Europa Press.
La d'Aréstegui ye "una declaración individual que se desmarca d'otros cargos del PP". Ente ellos, citó al alcalde d'Uviéu, Gabino de Lorenzo, a la cabeza del PP de Xixón, Pilar Fernández Pardo, o al secretariu xeneral de la formación, Reinerio Álvarez. "Toos ellos tienen feches declaraciones públiques a favor de la oficialidá", matizó Ornosa. Amás, recordó qu'ente les persones que tuvieron na presentación pública de la propuesta del CAO énte la Xunta Xeneral taben miembros del PP, ente ellos Humberto Gonzali.
Pa Ornosa, "ye una imprudencia desmarcase d'esta manera, ensin consultalo col restu del partíu", y afirmó qu'esta actitú "sólo conduz al asturianu a la desapaición". Dexó claro amás que "querer dar pasos hacia los derechos d'usu nun ye denguna garantía si nun hai oficialidá, porque la llingua nun tien validez xurídica, nin nel ámbitu priváu nin nes rellaciones coles Alministraciones".
El voceru del CAO acabó entrugándo-y a Aréstegui "qué motivos tien el PP pa nun asumir el testu del Conceyu". "Qu'espliquen públicamente por qué nun ye asumible", pidió Ornosa, amás d'espresar la so esperanza en qu'otros miembros del partíu se pronuncien sobre esti tema.
> Noticia esbillada de Les Noticies y Asturies.com, tamién n'Europa Press, Asurnews y Asturies.com
Labels: Derechos Llingüísticos
<< Home