La XPDLL denuncia qu'otru colexu en Noreña tampoco nun cumple la llei
El colexu "Nuestra Señora de Covadonga" de Noreña nun ufierta matriculaciones n’asturianu, como ye obligatorio por llei, según una nueva denuncia de la Xunta pola Defensa de la Llingua Asturiana (XPDLL) no que ye "un casu nuevu d’ataque a la llingua asturiana nel sistema educativu, que vuelvi evidenciar la precariedá llamentable y la situación d’allegalidá na que s’atopen los derechos llingüísticos y educativos n’Asturies".
Según delles denuncies feches por dalgunos padres a la XPDLL, nel colexu "Nuestra Señora de Covadonga" de Noreña tán negándo-yos el derechu de matricular a los fíos na asignatura d’asturianu. Esti casu, otru más d’una llarga llista que vien denunciando la Xunta estes selmanes, ye especialmente grave porque nesa escuela nin siquiera s’ufierta la asignatura. Tampocu nun se tán poniendo los materiales fechos pola Conseyería pa anunciar la matriculación n’asturianu. Amás hai qu’amestar les respuestes daes a dellos neños qu’habiendo entrugao pola asignatura respondiose-yos según la Xunta que "pa que la hubiera teníen que querer la mitá d’una clase estudiar asturianu. Esti tipu de mentires y de torgues tán siendo habituales a la hora d’oragnizar les matriculaciones esti añu".
La Xunta pola Defensa de la Llingua va facer llegar bien llueu esta denuncia a la Conseyería d’Educación pa que tome cartes nel asuntu y s’igue esti casu tan grave de violación de derechos llingüísticos y educativos. Amás, ye preocupante’l papel que desempeña la inspección de la Conseyería porque ye raru’l día que nun llega a la Xunta pola Defensa de la Llingua dalguna denuncia o quexa por parte de los padres nel periodu de matriculación. "Añu tres añu venimos teniendo que denunciar situaciones como esta, que se repiten sistemática y xeneralizadamente ensin que la Conseyería d’Educación faga nada por garantizar el cumplimientu de la llei".
Nel mes de febreru pasáu la Xunta pola Defensa de la Llingua Asturiana convocaba una movilización pa denunciar la precaridá de l’asignatura que cuntó col apoyu unánime de tolos sindicatos d’enseñanza y que, por desgracia, volvió chocar cola indiferencia absoluta de la Conseyería d’Educación.
Agora, tres la presentación d’una campaña gubernamental p’afalar a la matriculación na asignatura d’asturianu, la Xunta pola Defensa de la Llingua Asturiana "quier recordar que la primer campaña que habíen facer ye la del cumplimientu de la llei, garantizando que toos aquellos que quieran cursar l’asignatura d’asturianu puedan facelo ensin llimitaciones nin coacciones: que s’ufierte l’asignatura en tolos centros, en tolos niveles y pa tolos escolinos y escolines".
Pala Xunta, tampoco "nun ye tolerable que na Asturies del sieglu XXI se siga prohibiendo estudiar y conocer la llingua propia a miles d’estudiantes de toles etapes que lo piden voluntariamente".
> Noticia esbillada d'Asturnews.
Según delles denuncies feches por dalgunos padres a la XPDLL, nel colexu "Nuestra Señora de Covadonga" de Noreña tán negándo-yos el derechu de matricular a los fíos na asignatura d’asturianu. Esti casu, otru más d’una llarga llista que vien denunciando la Xunta estes selmanes, ye especialmente grave porque nesa escuela nin siquiera s’ufierta la asignatura. Tampocu nun se tán poniendo los materiales fechos pola Conseyería pa anunciar la matriculación n’asturianu. Amás hai qu’amestar les respuestes daes a dellos neños qu’habiendo entrugao pola asignatura respondiose-yos según la Xunta que "pa que la hubiera teníen que querer la mitá d’una clase estudiar asturianu. Esti tipu de mentires y de torgues tán siendo habituales a la hora d’oragnizar les matriculaciones esti añu".
La Xunta pola Defensa de la Llingua va facer llegar bien llueu esta denuncia a la Conseyería d’Educación pa que tome cartes nel asuntu y s’igue esti casu tan grave de violación de derechos llingüísticos y educativos. Amás, ye preocupante’l papel que desempeña la inspección de la Conseyería porque ye raru’l día que nun llega a la Xunta pola Defensa de la Llingua dalguna denuncia o quexa por parte de los padres nel periodu de matriculación. "Añu tres añu venimos teniendo que denunciar situaciones como esta, que se repiten sistemática y xeneralizadamente ensin que la Conseyería d’Educación faga nada por garantizar el cumplimientu de la llei".
Nel mes de febreru pasáu la Xunta pola Defensa de la Llingua Asturiana convocaba una movilización pa denunciar la precaridá de l’asignatura que cuntó col apoyu unánime de tolos sindicatos d’enseñanza y que, por desgracia, volvió chocar cola indiferencia absoluta de la Conseyería d’Educación.
Agora, tres la presentación d’una campaña gubernamental p’afalar a la matriculación na asignatura d’asturianu, la Xunta pola Defensa de la Llingua Asturiana "quier recordar que la primer campaña que habíen facer ye la del cumplimientu de la llei, garantizando que toos aquellos que quieran cursar l’asignatura d’asturianu puedan facelo ensin llimitaciones nin coacciones: que s’ufierte l’asignatura en tolos centros, en tolos niveles y pa tolos escolinos y escolines".
Pala Xunta, tampoco "nun ye tolerable que na Asturies del sieglu XXI se siga prohibiendo estudiar y conocer la llingua propia a miles d’estudiantes de toles etapes que lo piden voluntariamente".
> Noticia esbillada d'Asturnews.
Labels: Derechos Llingüísticos
<< Home