Golpe na Facultá de Filoloxía
L’Aconceyamientu de Xuristes pol Asturianu (AXA), tres llamentar daveres lo asocedío na Facultá de Filoloxía de la Universidá d’Uviéu y solidarízase cola decana dimisionaria, quier solliñar otros dos aspeutos del problema:
1.- Que nestos fechos tienen la cabera responsabilidá’l Rectoráu y el Gobiernu d'Asturies, porque siendo asina que la Xunta de Facultá aprobó, hai bien d’años, la Especialidá de Filoloxía Asturiana, desdexaron les sos obligaciones pa ponela en marcha, facilitando con ello’l boicotéu sosteníu y foín d’un grupu d’antiasturianistes que tres d’abondos intentos fallíos, al cabu, dieron un golpe efeutivu escontra la llingua asturiana, oxetu de les sos rensíes.
2.- Con esti determín evidénciase’l despreciu que los profesores golpistes, el Rectoráu de la Universidá d’Uviéu y el Gobiernu del Principáu d’Asturies, amuesen pol conteníu de la Carta Europea de les Llingües Rexonales o Minoritaries, tratáu internacional ratificáu por España y parte del denomáu bloque de constitucionalidá na materia, que nel so artículu 8.e) desixe, a tolos poderes públicos, la garantía de que la llingua asturiana pueda ser estudiada na nuesa universidá.
Per mandáu de la Xunta Direutiva, robla'l so secretariu, n'Uviéu, a venticinco de xunu de dos mil ocho.
Xurde Blanco
> La noticia n'Asturies.com, Asturnews, L'Asturies Lliberal y XornalGalicia.com
1.- Que nestos fechos tienen la cabera responsabilidá’l Rectoráu y el Gobiernu d'Asturies, porque siendo asina que la Xunta de Facultá aprobó, hai bien d’años, la Especialidá de Filoloxía Asturiana, desdexaron les sos obligaciones pa ponela en marcha, facilitando con ello’l boicotéu sosteníu y foín d’un grupu d’antiasturianistes que tres d’abondos intentos fallíos, al cabu, dieron un golpe efeutivu escontra la llingua asturiana, oxetu de les sos rensíes.
2.- Con esti determín evidénciase’l despreciu que los profesores golpistes, el Rectoráu de la Universidá d’Uviéu y el Gobiernu del Principáu d’Asturies, amuesen pol conteníu de la Carta Europea de les Llingües Rexonales o Minoritaries, tratáu internacional ratificáu por España y parte del denomáu bloque de constitucionalidá na materia, que nel so artículu 8.e) desixe, a tolos poderes públicos, la garantía de que la llingua asturiana pueda ser estudiada na nuesa universidá.
Per mandáu de la Xunta Direutiva, robla'l so secretariu, n'Uviéu, a venticinco de xunu de dos mil ocho.
Xurde Blanco
> La noticia n'Asturies.com, Asturnews, L'Asturies Lliberal y XornalGalicia.com
Labels: Llingua Asturiana
<< Home