El Buró Européu pa les Llingues Minorizaes propón a la ONU que reconoza los derechos llingüísticos como una parte vital de los derechos humanos
Un grupu d'organizaciones internacionales que trabayen pola defensa de les llingües minorizaes presenten güei miércoles 18 de xunu na sé la Organización de les Naciones Uníes (ONU) en Xinebra (Suiza) una propuesta onde s'afala a incluyir los derechos llingüísticos dientro'l sistema de proteición afitáu pol Conseyu pa los Derechos Humanos de la ONU.
Entamada pol Buró Européu pa les Llingues Minorizaes (EBLUL) y col sofitu del Centru Internacional Escarré pa les Minoríes Étniques y les Naciones (CIEMEN), l'International PEN y Linguamón-Casa de les Llengües y la copatrocinación de les embaxaes d'Armenia y Bolivia, la presentación faise en paralelo a la sesión del Conseyu de Derechos Humanos y ta dirixida a persuadir a los embaxadores nesti Conseyu de la necesidá que tien pa les Naciones Uníes dotar d'una protección especial a los derechos llingüísticos. Na próxima xunta del Conseyu, que va facese en setiembre, va presentase un borrador de resolución pa que lu aprueben los embaxadores.
Dende 1996, cuando 61 ONGs, 41 centros Intenational PEN y 40 especialistes de tol mundu aprobaron la Declaración Universal de los Derechos Llingüísticos (DUDLL) en Barcelona -empobinaos a la defensa de la diversidá llingüística-, son yá cientos d'organizaciones ya instituciones públiques en tol mundu les qu'adoptaron tala declaración. Les organizaciones suxetes a la DUDLL quieren dar un pasu más nel espíritu la declaración de 1996 y convencer a la ONU pa que reconoza los derechos llingüísticos como una parte vital de los derechos humanos.
Anantia la presentación de la propuesta, a les 14:00 hores, van intervenir los representantes de les organizaciones promotores. Asina, Josep M. Terricabras, representante del International PEN, reflexonará sobre les particularidaes de los derechos llingüísticos dientro de la categoría de derechos culturales y sobre la necesidá de da-yos una protección específica; Antonio Mir, de Linguamón, informará sobre la situación actual de los idiomes; Neasa Ní Chinnéide (EBLUL) comentará les polítiques europees pal fomentu de la diversidá llingüística y, finalmente, Aureli Argemí (CIEMEN) falará de los progresos nos derechos llingüísticos dende la aprobación de la DUDLL.
> Esbillao de Les Noticies.
Entamada pol Buró Européu pa les Llingues Minorizaes (EBLUL) y col sofitu del Centru Internacional Escarré pa les Minoríes Étniques y les Naciones (CIEMEN), l'International PEN y Linguamón-Casa de les Llengües y la copatrocinación de les embaxaes d'Armenia y Bolivia, la presentación faise en paralelo a la sesión del Conseyu de Derechos Humanos y ta dirixida a persuadir a los embaxadores nesti Conseyu de la necesidá que tien pa les Naciones Uníes dotar d'una protección especial a los derechos llingüísticos. Na próxima xunta del Conseyu, que va facese en setiembre, va presentase un borrador de resolución pa que lu aprueben los embaxadores.
Dende 1996, cuando 61 ONGs, 41 centros Intenational PEN y 40 especialistes de tol mundu aprobaron la Declaración Universal de los Derechos Llingüísticos (DUDLL) en Barcelona -empobinaos a la defensa de la diversidá llingüística-, son yá cientos d'organizaciones ya instituciones públiques en tol mundu les qu'adoptaron tala declaración. Les organizaciones suxetes a la DUDLL quieren dar un pasu más nel espíritu la declaración de 1996 y convencer a la ONU pa que reconoza los derechos llingüísticos como una parte vital de los derechos humanos.
Anantia la presentación de la propuesta, a les 14:00 hores, van intervenir los representantes de les organizaciones promotores. Asina, Josep M. Terricabras, representante del International PEN, reflexonará sobre les particularidaes de los derechos llingüísticos dientro de la categoría de derechos culturales y sobre la necesidá de da-yos una protección específica; Antonio Mir, de Linguamón, informará sobre la situación actual de los idiomes; Neasa Ní Chinnéide (EBLUL) comentará les polítiques europees pal fomentu de la diversidá llingüística y, finalmente, Aureli Argemí (CIEMEN) falará de los progresos nos derechos llingüísticos dende la aprobación de la DUDLL.
> Esbillao de Les Noticies.
Labels: Derechos Llingüísticos
<< Home