L'ALLA propón a la Xunta Xeneral del Principáu iguar dafecho'l marcu llegal del asturianu
Cumpliendo'l so mandáu como la más alta autoridá llingüística d'Asturies y como Institución independiente -y, poro, neutral políticamente- que mira pelos derechos llingüísticos asturianos, la Presidenta de l'Academia de la Llingua Asturiana (ALLA), Ana Cano, presentó-y Mª Jesús Álvarez, Presidenta de la Xunta Xeneral del Principáu d'Asturies una propuesta de "tratamientu xurídicu definitivu del asturianu", coincidiendo cola prósima reforma del Estatutu d'Autonomía.
Nesti sen, l'ALLA comprometióse "a actuar socialmente p'afitar la idea de resolución final de la cuestión llingüística", al tiempu que demandó a "les tres fuerces polítiques que s'alluguen na Xunta Xeneral" que actúen "con xenerosidá" y "pauten un marcu de solución de la cuestión llingüística", comprometiendo tamién "tola so capacidá científico-téunica, la so autoridá moral y la so influyencia social na collaboración coles instituciones d'autogobiernu pa entamar, al ritmu que se xulgue afayadizu, la puesta en práutica de les midíes y aiciones que fixe la llei».
La propuesta presentada pola Academia a la Xunta Xeneral, afítase en tres pegollos.
El primeru, la reconocencia nel Estatutu d'Autonomía del calter oficial de la llingua asturiana xunto col castellán: "l'Estatutu d'Autonomía d'Asturies declara la cooficialidá del asturianu, xunto col castellán, de manera que se reconoz el derechu de los ciudadanos al so usu".
El segundu, una llei de normalización llingüística pautada ente tolos grupos parllamentarios: "una llei del Principáu conseñará exautamente los conteníos que se-y quieren dar a la cooficialidá; ye dicir, el modelu d'oficialización. Tal llei habrá pautase poles fuerces polítiques parlamentaries ya inxerirá les fases de la so puesta en práutica".
Por últimu, propón que "un acuerdu parlamentariu, robláu poles tres fuerces polítiques, va fixar, nun marcu de caltenimientu y estabilidá nel tiempu, el coste económicu de la cooficialidá o lo que ye lo mesmo, va señalar hasta ónde ye posible llegar económicamente na financiación d'esta figura xurídica".
> Noticia esbillada d'Asturnews y Les Noticies.
Nesti sen, l'ALLA comprometióse "a actuar socialmente p'afitar la idea de resolución final de la cuestión llingüística", al tiempu que demandó a "les tres fuerces polítiques que s'alluguen na Xunta Xeneral" que actúen "con xenerosidá" y "pauten un marcu de solución de la cuestión llingüística", comprometiendo tamién "tola so capacidá científico-téunica, la so autoridá moral y la so influyencia social na collaboración coles instituciones d'autogobiernu pa entamar, al ritmu que se xulgue afayadizu, la puesta en práutica de les midíes y aiciones que fixe la llei».
La propuesta presentada pola Academia a la Xunta Xeneral, afítase en tres pegollos.
El primeru, la reconocencia nel Estatutu d'Autonomía del calter oficial de la llingua asturiana xunto col castellán: "l'Estatutu d'Autonomía d'Asturies declara la cooficialidá del asturianu, xunto col castellán, de manera que se reconoz el derechu de los ciudadanos al so usu".
El segundu, una llei de normalización llingüística pautada ente tolos grupos parllamentarios: "una llei del Principáu conseñará exautamente los conteníos que se-y quieren dar a la cooficialidá; ye dicir, el modelu d'oficialización. Tal llei habrá pautase poles fuerces polítiques parlamentaries ya inxerirá les fases de la so puesta en práutica".
Por últimu, propón que "un acuerdu parlamentariu, robláu poles tres fuerces polítiques, va fixar, nun marcu de caltenimientu y estabilidá nel tiempu, el coste económicu de la cooficialidá o lo que ye lo mesmo, va señalar hasta ónde ye posible llegar económicamente na financiación d'esta figura xurídica".
> Noticia esbillada d'Asturnews y Les Noticies.
Labels: Derechos Llingüísticos
<< Home