L'ALLA llama a celebrar el Día de les Lletres Asturianes
L'Academia de la Llingua Asturiana (ALLA) va celebrar esti vienres 9 de mayu, el Día de les Lletres Asturianes, a les 20 hores, nel Teatru Campoamor d’Uviéu.
Na sesión académica va tomar posesión como nuevu Miembru de Númberu de l'Academia la escritora Berta Piñán. L'ALLA quier asina “reconocer la fondura de la so contribución lliteraria al procesu de recuperación llingüística n'Asturies y facer posible, al empar, qu'esa valible contribución pueda enanchase col so trabayu dientro de la propia institución”.
El solemne actu académicu entamará cola intervención musical del gaiteru Llorián García, al que siguirá la Xunta Estraordinaria de l'Academia de la Llingua Asturiana col discursu institucional de la Presidenta, Ana Cano.
Tres d'una llectura de poemes, l'ALLA rendirá un “Homenaxe a la Música Asturiana”, en reconocencia al llabor de los músicos na recuperación de la llingua, cola actuación, en representación de tolos músicos y solistes asturianos, de: Nuberu, Dixebra, Llan de Cubel, Carlos Rubiera y Los Berrones.
L'Academia de la Llingua Asturiana, siguiendo'l facer entamáu n'ediciones pasaes, encamienta a los asistentes que, na midida de les sos posibilidaes, lleven el traxe asturianu como amuesa del so compromisu col resurdir de lo meyor de les solemnes tradiciones del país. Llueu del actu académicu habrá una espicha nel restaurante "La Gruta", con bailles y música asturiana.
L’ALLA “aguarda cuntar cola to asistencia a estos actos de celebración y pide la collaboración, nestos momentos nos que se xuega’l futuru de la llingua cola reforma del Estatutu d’Autonomía d’Asturies, pa esparder ente tolos asturianos y asturianes la demanda d’esixencia de la OFICIALIDÁ como únicu preséu pa garantizar el futuru y la sobrevivencia del nuesu idioma”.
> Convidada pública a participar nel actu académicu de l'ALLA.
> Noticia esbillada d'Asturnews.
Na sesión académica va tomar posesión como nuevu Miembru de Númberu de l'Academia la escritora Berta Piñán. L'ALLA quier asina “reconocer la fondura de la so contribución lliteraria al procesu de recuperación llingüística n'Asturies y facer posible, al empar, qu'esa valible contribución pueda enanchase col so trabayu dientro de la propia institución”.
El solemne actu académicu entamará cola intervención musical del gaiteru Llorián García, al que siguirá la Xunta Estraordinaria de l'Academia de la Llingua Asturiana col discursu institucional de la Presidenta, Ana Cano.
Tres d'una llectura de poemes, l'ALLA rendirá un “Homenaxe a la Música Asturiana”, en reconocencia al llabor de los músicos na recuperación de la llingua, cola actuación, en representación de tolos músicos y solistes asturianos, de: Nuberu, Dixebra, Llan de Cubel, Carlos Rubiera y Los Berrones.
L'Academia de la Llingua Asturiana, siguiendo'l facer entamáu n'ediciones pasaes, encamienta a los asistentes que, na midida de les sos posibilidaes, lleven el traxe asturianu como amuesa del so compromisu col resurdir de lo meyor de les solemnes tradiciones del país. Llueu del actu académicu habrá una espicha nel restaurante "La Gruta", con bailles y música asturiana.
L’ALLA “aguarda cuntar cola to asistencia a estos actos de celebración y pide la collaboración, nestos momentos nos que se xuega’l futuru de la llingua cola reforma del Estatutu d’Autonomía d’Asturies, pa esparder ente tolos asturianos y asturianes la demanda d’esixencia de la OFICIALIDÁ como únicu preséu pa garantizar el futuru y la sobrevivencia del nuesu idioma”.
> Convidada pública a participar nel actu académicu de l'ALLA.
> Noticia esbillada d'Asturnews.
Labels: Llingua Asturiana
<< Home