La XPDLL acusa a la FSA de "negar derechos en cuenta de reconocelos"
La Xunta pola Defensa de la Llingua Asturiana (XPDLL) emitió un comunicáu nel que acusa a l'aristocracia provinciana del PSOE de dir contracorriente, en materia de derechos llingüísticos, señalando que "los políticos d'otros territorios apoyaron unánimemente la oficialidá de les sos llingües" mientres n'Asturies "negaron estos derechos en cuenta de reconocelos".
La XPDLL fai un llamáu a la clas política asturiana pa que refugue les declaraciones de Jesús Gutiérrez, Secretariu Xeneral de la Federación Socialista Asturiana (FSA), nes que manifiesta que'l so partíu conservará la posición contraria a la oficialidá del asturianu "anque cueste un pautu de gobiernu". La Xunta diz que "ye un fechu gravísmu qu'un cargu de la FSA declare qu'asume la futura inestabilidá del gobiernu asturianu con tal de nun contemplar la oficialidá. La non oficialidá trai como consecuencia la desapaición de la llingua a mediu plazu".
La Xunta piensa que la FSA va formar parte de la llista de xente responsable de la desapaición de la llingua asturiana "por cuenta d'unos intereses y prexuicios políticos primarios". Pa los responsables de la Xunta, el nun poner les bases legales, esto ye la oficialidá, pa que l'asturianu nun se perda ye condenar la llingua a la desapaición. "Trenta años d'esa "promoción" que tanto defende yá demostraron que nun valieron pa frenar el procesu de sustitución llingüística".
Según la Xunta pola Defensa de la Llingua Asturiana, el Secretariu Xeneral de la FSA interpreta los últimos resultaos electorales como una especie de referéndum sobre la oficialidá, inorando tolos estudios sociolóxicos que se ficieron hasta la fecha y que dexen claro que la mayoría de los ciudadanos son favoratibles a la mesma. "Manipular asina l'exerciciu democráticu de los ciudadanos ye más propio d'un demagogu falsariu".
> Noticia esbillada d'Asturnews, Asturies.com y Europa Press.
La XPDLL fai un llamáu a la clas política asturiana pa que refugue les declaraciones de Jesús Gutiérrez, Secretariu Xeneral de la Federación Socialista Asturiana (FSA), nes que manifiesta que'l so partíu conservará la posición contraria a la oficialidá del asturianu "anque cueste un pautu de gobiernu". La Xunta diz que "ye un fechu gravísmu qu'un cargu de la FSA declare qu'asume la futura inestabilidá del gobiernu asturianu con tal de nun contemplar la oficialidá. La non oficialidá trai como consecuencia la desapaición de la llingua a mediu plazu".
La Xunta piensa que la FSA va formar parte de la llista de xente responsable de la desapaición de la llingua asturiana "por cuenta d'unos intereses y prexuicios políticos primarios". Pa los responsables de la Xunta, el nun poner les bases legales, esto ye la oficialidá, pa que l'asturianu nun se perda ye condenar la llingua a la desapaición. "Trenta años d'esa "promoción" que tanto defende yá demostraron que nun valieron pa frenar el procesu de sustitución llingüística".
Según la Xunta pola Defensa de la Llingua Asturiana, el Secretariu Xeneral de la FSA interpreta los últimos resultaos electorales como una especie de referéndum sobre la oficialidá, inorando tolos estudios sociolóxicos que se ficieron hasta la fecha y que dexen claro que la mayoría de los ciudadanos son favoratibles a la mesma. "Manipular asina l'exerciciu democráticu de los ciudadanos ye más propio d'un demagogu falsariu".
> Noticia esbillada d'Asturnews, Asturies.com y Europa Press.
Labels: Derechos Llingüísticos
<< Home