La UNED inclúi l'asturianu na so ufierta académica

El Centru Universitariu d’Idiomes a Distancia (CUID), perteneciente a la Universidá Nacional d'Educación a Distancia (UNED), va entamar a impartir, nel cursu 2008-2009, la titulación d’asturianu, según anunció’l direutor del centru asociáu de la institución académica en Xixón, Mario Menéndez. La llingua asturiana integraráse asina nel Centru Universitariu d'Idiomes a Distancia, como títulu propiu de la UNED, mesmo que les otres llingües del Estáu.

Nún primer momentu, la UNED va impartir namás el nivel básicu de llingua asturiana, frente a los cinco niveles del castellán, cuatro del inglés y trés del gallegu, catalán, vascu, francés, árabe o alemán; amás d'estes llingües, nel CUID ye dable estudiar tamién chinu, italianu y portugués. Cada nivel de los cursos d’idiomes de la UNED tien una duración de 150 hores distribuyíes de payares a mayu. La UNED da 4 créditos de llibre configuración por Diploma (Básicu, Intermediu y Avanzáu), con un máximu de 8 créditos acumulables. Toes estes enseñances tán homologaes pola Escuela Oficial d'Idiomes (EOI).

> Noticia esbillada d'Asturnews y Asturies.com.