El Senáu aprueba impulsar una reforma del so Reglamentu pa potenciar l'usu de toles llingües oficiales españoles
El Senáu aprobó una moción empobinada a promover la reforma'l Reglamentu la Cámara Alta col envís de reconocer y amparar na so actividá ordinaria l'usu oral y escritu de toles llingües que tengan el calter d'oficiales en dalguna Comunidá Autónoma y estableció, amás, qu'esta reforma habrá tener efeutos a partir de la presente llexislatura.
La iniciativa, presentada por Entesa Catalana de Progrés (socialistes del PSC, Esquerra Republicana ya Iniciativa per Cataluña), foi sofitada por tolos grupos parllamentarios sacantes el PP, que defendió que l'usu de les llingües oficiales tien d'abordase na reforma global del Senáu ensin quedar sólo nuna reforma'l so Reglamentu porque ye una custión "de perfondu calao".
A pesar de que'l ponente d'Entesa, Carles Bonet, fizo referencia a que "la Constitución establez que la salvaguardia y promoción de la diversidá llingüística de les llingües d'España correspuende al conxuntu l'Estáu y tolos sos muérganos", l'asturianu nun diba ser teníu en cuenta nesta reforma reglamentaria de nun recoyese la so condición de llingua oficial nel Estatutu d'Autonomía d'Asturies; un exemplu más de la quiebra del principiu d'igualdá y de la sistemática violación del derechu fonderu al usu del so propiu idioma por parte los ciudadanos falantes d'asturianu, consecuencia la emperrada, consciente y dolosa actitú de desacatu constitucional por parte la mayor parte los representantes políticos asturianos.
Los senadores socialistes asturianos (José Antonio Alonso, José Manuel Cuervo, María Carmen Sanjurjo y Javier Fernández) votaron a favor d'esta moción, a pesar de la activa y belixerante actitú que la FSA-PSOE caltién n'Asturies, a la escontra la inclusión de la oficialidá de la llingua asturiana nel Estatutu d'Autonomía y la reconocencia de derechos a los sos falantes; por embargu, fueron quién pa votar nel Senáu a favor la reconocencia d'una llingua como l'occitanu (aranés), falada nel Valle d'Arán por unes 4.000 persones y oficial en Cataluña anque entá nun se la reconoz en Francia.
Javier Fernández, ye senador electu pola Xunta Xeneral en representación del Principáu d'Asturies, Secretariu Xeneral de la FSA-PSOE y destacáu por ser ún de los más firmes enemigos de la oficialidá y de la propia llingua. Ye'l Presidente de la Comisión de Reglamentu del Senáu, que sedrá la encargada d'iguar el testu la Reforma'l Reglamentu motivada por esta moción de la Entesa agora aprobada; José Manuel Cuervo, tamién senador asturianu, ésti por sufraxu, ye'l vicepresidente primeru de la mesma comisión.
El senador socialista que defendió'l votu del so grupu a la moción, José Ignacio Pérez Sáez, dixo qu'el so grupu políticu ye "probablemente l'únicu nel que se falen toles llingües d'España", refugando que dengún nacionalista-yos den a los socialistes "lleición dala na defensa de les llingües". A lo que paez, el voceru nun sabe res (o nun se da por enteráu) de la postura del so partíu n'Asturies; nin tampoco de les reiteraes, despreciatives ya inxurioses declaraciones de los sos compañeros senadores pa col idioma los asturianos, nún nuevu exemplu de la falta de sintonía de la FSA colo que sofita'l PSOE nel Reinu d'España.
> Noticia esbillada d'Europa Press, Atlantic Prau y Asturnews.
La iniciativa, presentada por Entesa Catalana de Progrés (socialistes del PSC, Esquerra Republicana ya Iniciativa per Cataluña), foi sofitada por tolos grupos parllamentarios sacantes el PP, que defendió que l'usu de les llingües oficiales tien d'abordase na reforma global del Senáu ensin quedar sólo nuna reforma'l so Reglamentu porque ye una custión "de perfondu calao".
A pesar de que'l ponente d'Entesa, Carles Bonet, fizo referencia a que "la Constitución establez que la salvaguardia y promoción de la diversidá llingüística de les llingües d'España correspuende al conxuntu l'Estáu y tolos sos muérganos", l'asturianu nun diba ser teníu en cuenta nesta reforma reglamentaria de nun recoyese la so condición de llingua oficial nel Estatutu d'Autonomía d'Asturies; un exemplu más de la quiebra del principiu d'igualdá y de la sistemática violación del derechu fonderu al usu del so propiu idioma por parte los ciudadanos falantes d'asturianu, consecuencia la emperrada, consciente y dolosa actitú de desacatu constitucional por parte la mayor parte los representantes políticos asturianos.
Los senadores socialistes asturianos (José Antonio Alonso, José Manuel Cuervo, María Carmen Sanjurjo y Javier Fernández) votaron a favor d'esta moción, a pesar de la activa y belixerante actitú que la FSA-PSOE caltién n'Asturies, a la escontra la inclusión de la oficialidá de la llingua asturiana nel Estatutu d'Autonomía y la reconocencia de derechos a los sos falantes; por embargu, fueron quién pa votar nel Senáu a favor la reconocencia d'una llingua como l'occitanu (aranés), falada nel Valle d'Arán por unes 4.000 persones y oficial en Cataluña anque entá nun se la reconoz en Francia.
Javier Fernández, ye senador electu pola Xunta Xeneral en representación del Principáu d'Asturies, Secretariu Xeneral de la FSA-PSOE y destacáu por ser ún de los más firmes enemigos de la oficialidá y de la propia llingua. Ye'l Presidente de la Comisión de Reglamentu del Senáu, que sedrá la encargada d'iguar el testu la Reforma'l Reglamentu motivada por esta moción de la Entesa agora aprobada; José Manuel Cuervo, tamién senador asturianu, ésti por sufraxu, ye'l vicepresidente primeru de la mesma comisión.
El senador socialista que defendió'l votu del so grupu a la moción, José Ignacio Pérez Sáez, dixo qu'el so grupu políticu ye "probablemente l'únicu nel que se falen toles llingües d'España", refugando que dengún nacionalista-yos den a los socialistes "lleición dala na defensa de les llingües". A lo que paez, el voceru nun sabe res (o nun se da por enteráu) de la postura del so partíu n'Asturies; nin tampoco de les reiteraes, despreciatives ya inxurioses declaraciones de los sos compañeros senadores pa col idioma los asturianos, nún nuevu exemplu de la falta de sintonía de la FSA colo que sofita'l PSOE nel Reinu d'España.
> Noticia esbillada d'Europa Press, Atlantic Prau y Asturnews.
Labels: Derechos Llingüísticos
<< Home