Joaquín Aréstegui diz que'l PP ye partidariu de llevar una propuesta de redaición que contemple la inclusión del téminu "oficialidá" nel Estatutu

Una representación de la Fundación Caveda y Nava aconceyó güei col portavoz axuntu del Grupu Parlamentariu Popular, Joaquín Aréstegui, pa tresllada-y les sos propuestes sobre l'asturianu pal futuru Estatutu d'Autonomía.

La Fundación Caveda y Nava y Aréstegui estudiaron les estremaes posibilidaes de redaición no tocántenes a la llingua. Dende la Fundación pidieron-y al representante popular que'l PP defenda una oficialidá na reforma estatutaria basada en cuatro conceptos:

- Reconocimientu del asturianu como llingua propia
- Recononocimientu del derechu de conocer y usar la llingua asturiana
- Garantía de non discriminación por usos llingüísticos y, a lo último,
- Desarrollu d'usos oficiales.

Aréstegui dixo que la redaición del actual Estatutu sobro la llingua ye obsoleta, al tiempu que se comprometió a topar un camín que permita la viabilidá de los cuatro conceptos que propón la Fundación, presentando nún entamu una propuesta que los englobe dientro d'una oficialidá ensin obligatoriedá pa los ciudadanos.

> Noticia esbillada de L'Asturies Lliberal.