El CAO insta a que la oficialidá de la llingua se recueya nel Estatutu
El Conceyu Abiertu pola Oficialidá (CAO) anuncia, por acio d'un comunicáu, que vuelve a les sos actividaes tres del paréntesis de les elecciones xenerales nes que "evitó tar presente na campaña electoral por considerar que la llibertá pa falar una llingua ye un derechu civil que tolos partíos presentes na Xunta Xeneral tienen la obligación de defender nuna sociedá democrática"; con too y con eso, depués del 9-M la reforma del Estatutu d'Asturies "llega a la so fase final" y, conscientes de que "tal paez que la oficialidá ye'l principal obstáculu pal consensu", vuelven a pidir con firmeza "un marcu legal que garantice la supervivencia del asturianu y el reconocimientu d'un derechu ciudadanu que posibilite que cualesquier persona pueda emplear la llingua que quiera ensin torgues".
El CAO, qu'axunta a 250 partíos políticos, sindicatos, entidaes y asociaciones de tola sociedá asturiana, entiende por "marcu legal que garantice la supervivencia del idioma", aquel que permita a los ciudadanos "falar llibremente'l castellanu y l'asturianu ensin imposiciones nin obligaciones, garantizando realmente'l derechu a la educación, les relaciones coles alministraciones, la presencia nos medios de comunicación y la visibilidá y igualdá nel marcu de les llingües del Estáu español".
Otra manera, el CAO, nun llamáu al PSOE y a tolos socialistes pa que modifiquen la so posición, alvierte que quien nun firme la oficialidá nel Estatutu diba ser responsable de "firmar la pena de muerte pa la llingua asturiana"; "discriminar a una parte de la ciudadanía negándo-y un derechu"; romper el principiu d'igualdá de los ciudadanos de dos maneres: una, dientro d'asturies, ente los falantes d'asturianu respecto a los falantes de castellanu; otra, fuera d'Asturies, de los asturianos respecto a los derechos que tienen los ciudadanos de les demás comunidaes con llingua propia.
Amás, añeden, nun firmar la oficialidá de la llingua asturiana "diba frustrar la posibilidá d'un Estatutu pa tolos asturianos, falen la llingua que falen y seyan d'onde seyan".
Finaliza'l CAO el so comunicáu faciendo un llamáu a la responsabilidá de los partíos políticos "y a la so voluntá p'algamar el consensu". Esti llamáu, como indicamos más arriba, quieren facelu especialmente al PSOE, remembrando que "lo contrario será negar derechos fundamentales a los ciudadanos que gobiernen y condenar a morrer un patrimoniu milenariu".
> Noticia esbillada de Les Noticies; tamién n'Asturnews.
El CAO, qu'axunta a 250 partíos políticos, sindicatos, entidaes y asociaciones de tola sociedá asturiana, entiende por "marcu legal que garantice la supervivencia del idioma", aquel que permita a los ciudadanos "falar llibremente'l castellanu y l'asturianu ensin imposiciones nin obligaciones, garantizando realmente'l derechu a la educación, les relaciones coles alministraciones, la presencia nos medios de comunicación y la visibilidá y igualdá nel marcu de les llingües del Estáu español".
Otra manera, el CAO, nun llamáu al PSOE y a tolos socialistes pa que modifiquen la so posición, alvierte que quien nun firme la oficialidá nel Estatutu diba ser responsable de "firmar la pena de muerte pa la llingua asturiana"; "discriminar a una parte de la ciudadanía negándo-y un derechu"; romper el principiu d'igualdá de los ciudadanos de dos maneres: una, dientro d'asturies, ente los falantes d'asturianu respecto a los falantes de castellanu; otra, fuera d'Asturies, de los asturianos respecto a los derechos que tienen los ciudadanos de les demás comunidaes con llingua propia.
Amás, añeden, nun firmar la oficialidá de la llingua asturiana "diba frustrar la posibilidá d'un Estatutu pa tolos asturianos, falen la llingua que falen y seyan d'onde seyan".
Finaliza'l CAO el so comunicáu faciendo un llamáu a la responsabilidá de los partíos políticos "y a la so voluntá p'algamar el consensu". Esti llamáu, como indicamos más arriba, quieren facelu especialmente al PSOE, remembrando que "lo contrario será negar derechos fundamentales a los ciudadanos que gobiernen y condenar a morrer un patrimoniu milenariu".
> Noticia esbillada de Les Noticies; tamién n'Asturnews.
Labels: Derechos Llingüísticos
<< Home