Andecha Astur homologa les sos papeletes n'asturianu pal Congresu y pal Senáu
La formación política Andecha Astur fue quién pa homologar énte la Xunta Eleutoral Provincial les papeletes coles sos candidatures al Congresu y al Senáu presentaes n'asturianu. Esto supón que, per primer vegada na hestoria, va ser posible votar n'Asturies cola papeleta redactada n’asturianu.
Andecha Astur lleva años reclamando esti drechu y yá nel añu 1995 se-yos negó presentase n'asturianu. Más tarde, en 1999, la formación algamó nel Tribunal Constitucional que se-y reconociera la posibilidá de mandase del propiu idioma pa esti usu. Sicasí, va cuatro años tovía se declaron nulos dellos votos n’Asturies por tar n’asturianu, énte lo qu’Andecha Astur intentó que constase n’acta que la razón fuere tar redactaes n’asturianu, cola negativa consiguiente.
Les primeres impresiones del representante de la formación énte la Xunta Eleutoral Provincial, Toño Martínez, dempués de recoyer les papeletes yá homologaes y la notificación del alcuerdu d'esa Xunta Electoral, foi felicitase de que “por fin va poder votase n’asturianu”. La notificiación de la Xunta Electoral recueye que “les papeletes asoleyaes por Andecha Astur pal Congresu y pal Senáu n’asturianu tán homologaes pa la so distribución”.
Amás, recuerda la formación política que “les papeletes presentaes por Andecha Astur son dafechu válides pa emitir el votu”, anque les del Senáu “nun van poder ofrecese nos colexos electorales”, al tar los candidatos d’Andecha Astur yá marcaos cola cruz.
Sicasí, les papeletes asoleyaes pola Alministración siguen tando en castellán. Una cuestión que nel futuru podría camudar dempués d’esta decicisón de la Xunta Electoral.
> Noticia esbillada d'Asturnews.
Andecha Astur lleva años reclamando esti drechu y yá nel añu 1995 se-yos negó presentase n'asturianu. Más tarde, en 1999, la formación algamó nel Tribunal Constitucional que se-y reconociera la posibilidá de mandase del propiu idioma pa esti usu. Sicasí, va cuatro años tovía se declaron nulos dellos votos n’Asturies por tar n’asturianu, énte lo qu’Andecha Astur intentó que constase n’acta que la razón fuere tar redactaes n’asturianu, cola negativa consiguiente.
Les primeres impresiones del representante de la formación énte la Xunta Eleutoral Provincial, Toño Martínez, dempués de recoyer les papeletes yá homologaes y la notificación del alcuerdu d'esa Xunta Electoral, foi felicitase de que “por fin va poder votase n’asturianu”. La notificiación de la Xunta Electoral recueye que “les papeletes asoleyaes por Andecha Astur pal Congresu y pal Senáu n’asturianu tán homologaes pa la so distribución”.
Amás, recuerda la formación política que “les papeletes presentaes por Andecha Astur son dafechu válides pa emitir el votu”, anque les del Senáu “nun van poder ofrecese nos colexos electorales”, al tar los candidatos d’Andecha Astur yá marcaos cola cruz.
Sicasí, les papeletes asoleyaes pola Alministración siguen tando en castellán. Una cuestión que nel futuru podría camudar dempués d’esta decicisón de la Xunta Electoral.
> Noticia esbillada d'Asturnews.
Labels: Derechos Llingüísticos
<< Home