La Conseyería de Cultura nun cumple colos Servicios de Normalización Llingüística nos conceyos
L'Asociación de Trabayadores de la Normalización Llingüística (ATNL) fizo públicu un comunicáu nel que denuncia la falta de sintonía qu'existe ente ellos y la Conseyería de Cultura del Principáu. L'ATNL, preocupada pa la eficacia de los sos servicios y pola estabilidá llaboral de los sos miembros, vien defendiendo dende va años "la firma d'un conveniu ente'l Gobiernu del Principáu d'Asturies y los Conceyos".
Na reunión que l'ATNL caltuvo na seronda de 2007 con representantes de la Conseyería de Cultura cola fin d'atender les demandes de los Servicios de Normalización Llingüística (SNL) municipales, foi la firma de convenios ente'l Principáu y los Ayuntamientos la solución meyor valorada pola propia Conseyería de Cultura.
Dende los SNL insistióse en que esa solución habría dase primero de qu'acabara l'añu, pa que nun pasara como otros exercicios, nos qu'hubo SNLs qu'interrumpieron el so llabor de dos a seis meses, col perxuiciu qu'eso supón pal procesu de normalización del asturianu y pa los sos responsables.
Pero los convenios comprometíos "nun solo nun se firmaron sinón que nin siquiera entraron nel Conseyu de Gobiernu, lo que traxo como consecuencia que'l SNL de Mieres siga peslláu dende setiembre, que Samartín del Rei Aurelio interrumpiera la so actividá dende finales del 2007 y la dulda de qué diba pasar col restu de SNL".
Otramiente, la Xunta pola Defensa de la Llingua Asturiana (XPDLL), refiriéndose a estos fechos declarando que "la Rede de Servicios de Normalización Llingüística forma parte de la propaganda institucional a la hora de vender el so enfotu pola normalización del asturianu, pero la Conseyería de Cultura nun va más allá nel so apoyu. A estes altures desconozse siquiera con qué presupuestu se cuenta pa da-yos continuidá a los Servicios qu'entá siguen funcionando. Tampoco nun se firmó'l conveniu ente'l Principáu y los Conceyos, necesariu pa que los Servicios puedan facer el so llabor sin parones cada vez que s'acaba la subvención. La necesidá d'esi conveniu y la fecha pa firmalu (nel mes d'avientu pasáu) acordárase ente los trabayadores de los Servicios y la Conseyería".
Con estos antecedentes, la Xunta Pola Defensa de la Llingua Asturiana califica de "tomadura de pelo" l'anuncia recién de creación d'oficines nueves na zona del Navia-Eo y nel conceyu de Llaviana, cuando'l restu la Rede ta nuna situación de precariedá. Dende la XPDLL pídese "que s'abran les oficines pesllaes y que se cumplan los compromisos de la Conseyería de Cultura con fechos y non con bones palabres".
> Noticia esbillada de Les Noticies, Asturies.com y Asturnews.
> Más información: "La Rede de Normalización Llingüística nos Conceyos d'Asturies" (Ramón d'Andrés)
Na reunión que l'ATNL caltuvo na seronda de 2007 con representantes de la Conseyería de Cultura cola fin d'atender les demandes de los Servicios de Normalización Llingüística (SNL) municipales, foi la firma de convenios ente'l Principáu y los Ayuntamientos la solución meyor valorada pola propia Conseyería de Cultura.
Dende los SNL insistióse en que esa solución habría dase primero de qu'acabara l'añu, pa que nun pasara como otros exercicios, nos qu'hubo SNLs qu'interrumpieron el so llabor de dos a seis meses, col perxuiciu qu'eso supón pal procesu de normalización del asturianu y pa los sos responsables.
Pero los convenios comprometíos "nun solo nun se firmaron sinón que nin siquiera entraron nel Conseyu de Gobiernu, lo que traxo como consecuencia que'l SNL de Mieres siga peslláu dende setiembre, que Samartín del Rei Aurelio interrumpiera la so actividá dende finales del 2007 y la dulda de qué diba pasar col restu de SNL".
Otramiente, la Xunta pola Defensa de la Llingua Asturiana (XPDLL), refiriéndose a estos fechos declarando que "la Rede de Servicios de Normalización Llingüística forma parte de la propaganda institucional a la hora de vender el so enfotu pola normalización del asturianu, pero la Conseyería de Cultura nun va más allá nel so apoyu. A estes altures desconozse siquiera con qué presupuestu se cuenta pa da-yos continuidá a los Servicios qu'entá siguen funcionando. Tampoco nun se firmó'l conveniu ente'l Principáu y los Conceyos, necesariu pa que los Servicios puedan facer el so llabor sin parones cada vez que s'acaba la subvención. La necesidá d'esi conveniu y la fecha pa firmalu (nel mes d'avientu pasáu) acordárase ente los trabayadores de los Servicios y la Conseyería".
Con estos antecedentes, la Xunta Pola Defensa de la Llingua Asturiana califica de "tomadura de pelo" l'anuncia recién de creación d'oficines nueves na zona del Navia-Eo y nel conceyu de Llaviana, cuando'l restu la Rede ta nuna situación de precariedá. Dende la XPDLL pídese "que s'abran les oficines pesllaes y que se cumplan los compromisos de la Conseyería de Cultura con fechos y non con bones palabres".
> Noticia esbillada de Les Noticies, Asturies.com y Asturnews.
> Más información: "La Rede de Normalización Llingüística nos Conceyos d'Asturies" (Ramón d'Andrés)
Labels: Llingua Asturiana
<< Home