El PP asturianu declárase favoratible a la oficialidá del idioma
El cabezaleru na candidatura del Partíu Popular (PP) al Congresu los Diputaos nes próximes Eleiciones Xenerales del 9 de marzu, Alcalde d'Uviéu y vicepresidente del PP asturianu, Gabino de Lorenzo, mostróse partidariu de la declaración d'oficialidá de la llingua na reforma l'Estatutu d'Autonomía.
Nuna entrevista fecha pol editor del selmanariu Les Noticies y miembru d'AXA, Inaciu Iglesias, Gabino de Lorenzo afirma que «tá claro que al asturianu-y fai falta una solución, como la tuvieron les otres llingues españoles». Y declara además que «nel casu nuestru, la oficialidá puede ser parte de la solución al problema del asturianu, siempre que nun vaya apareyada cola obligatoriedá».
«Dempués de treinta años, ya llegó'l momentu de ponenos d'alcuerdu y apoyar como se merez lo que nunca tuvo que ser un problema», remarca el cabezaleru popular nesta hestórica entrevista.
Por primer vegada, la cúpula d'un de los dos partíos mayoritarios n'Asturies (IU d'Asturies yá lo ficiera hai bien d'años), atrévese a dar un pasu al frente inequívocu en favor de la llingua de nueso, que vien a sumase a la clara toma de postura de la otra vicepresidenta del Partíu Popular asturianu, patrona de la Fundación Caveda y Nava y tamién candidata númberu tres al Congresu pol PP nestes eleiciones, Pilar Pardo, y a la progresiva inclusión d'asturianistes destacaos en cargos relevantes del partíu nestos últimos años.
Mesmo que Gabino de Lorenzo, el númberu dos de la candidatura popular al Congresu, Isidro Fernández Rozada, amosábase tamién favoratible a la oficialidá l'asturianu nuna entrevista en Canal 10 Televisión, na que declaróse partidariu d'ella, convencíu de que va ser una de les cuestiones que s'abordará na negociación de la reforma l'Estatutu d'Autonomía: «La oficialidá consiste en potenciar l'usu de la llingua», desplicó Fernández Rozada, que cuida que dengún partíu «acuda al debate estatutariu colos temes cerraos».
> La noticia, en El Comercio.
> Entrevista a Gabino de Lorenzo en Les Noticies
> La suerte ta echada. Artículu d'opinión d'Inaciu Iglesias en Les Noticies.
Nuna entrevista fecha pol editor del selmanariu Les Noticies y miembru d'AXA, Inaciu Iglesias, Gabino de Lorenzo afirma que «tá claro que al asturianu-y fai falta una solución, como la tuvieron les otres llingues españoles». Y declara además que «nel casu nuestru, la oficialidá puede ser parte de la solución al problema del asturianu, siempre que nun vaya apareyada cola obligatoriedá».
«Dempués de treinta años, ya llegó'l momentu de ponenos d'alcuerdu y apoyar como se merez lo que nunca tuvo que ser un problema», remarca el cabezaleru popular nesta hestórica entrevista.
Por primer vegada, la cúpula d'un de los dos partíos mayoritarios n'Asturies (IU d'Asturies yá lo ficiera hai bien d'años), atrévese a dar un pasu al frente inequívocu en favor de la llingua de nueso, que vien a sumase a la clara toma de postura de la otra vicepresidenta del Partíu Popular asturianu, patrona de la Fundación Caveda y Nava y tamién candidata númberu tres al Congresu pol PP nestes eleiciones, Pilar Pardo, y a la progresiva inclusión d'asturianistes destacaos en cargos relevantes del partíu nestos últimos años.
Mesmo que Gabino de Lorenzo, el númberu dos de la candidatura popular al Congresu, Isidro Fernández Rozada, amosábase tamién favoratible a la oficialidá l'asturianu nuna entrevista en Canal 10 Televisión, na que declaróse partidariu d'ella, convencíu de que va ser una de les cuestiones que s'abordará na negociación de la reforma l'Estatutu d'Autonomía: «La oficialidá consiste en potenciar l'usu de la llingua», desplicó Fernández Rozada, que cuida que dengún partíu «acuda al debate estatutariu colos temes cerraos».
> La noticia, en El Comercio.
> Entrevista a Gabino de Lorenzo en Les Noticies
> La suerte ta echada. Artículu d'opinión d'Inaciu Iglesias en Les Noticies.
Labels: Derechos Llingüísticos
<< Home