AXA denuncia énte los Conceyos y el INE la falta d'incorporación al Nomenclátor de les entidaes de población asturianes oficialmente determinaes
Col asoleyamientu, va yá pa tres años, del Decretu 30/2005, pel que se determinen los topónimos oficiales del conceyu de Carreño, entamóse’l tresnu de la toponimia asturiana esfandangada per sieglos d’inorancia, intransixencia y foscura política.
Magar que vien siendo un procesu bandorru, roceanu, a gotes y nel que nun faltaron los convides al esfronamientu fraticida (rúxese que lu alministra na solombra’l señor Areces) daqué ye y apréciase no que val. Valir simbólicu porque, per agora, el práuticu ye bien poco por nun dicir ná.
Un exemplu: si dalguién quier poner nel so DNI el topónimu correchu del llugar onde vive y quitar el qu’inventó a saber qué guardia civil, xuez, escribanu o merín, va esfrayase cola ñegativa del funcionariu d’anguañu, encontada en que’l topónimu pol que nagua “nun ta na llista oficial”. Lo mesmo va pasar nel intre de rotular indicadores de carreteres, facer mapes, roblar contratos, empadronase, asoleyar disposiciones… ¡Lo que nun ta na “llista oficial” nun ye!.
“Llista oficial” o por dicilo más preciso “Nomenclátor d’unidaes poblacionales del Institutu Nacional d’Estadística”, nel que tolos núcleos de población tienen de tar identificaos pel nome y once díxitos. Y ehí, al Nomenclátor del INE, nun aportaron entá los conteníos de los Decretos d’igua de la toponimia asturiana. El que quiera comprobalo nun tien más que marcar n’Internet http://www.ine.es/nomen2/index.do, escribir na ventanina al efeutu’l nome real, asturianu y teóricamente oficial y dempués probar col inventáu, foriatu y diz que derogáu.
¿Por qué en tres años nun s’aperió esti asuntu que fai de los Decretos papel moyao?. Ensin descartar la mano –siempres sollerte y llonga pa torgar l’espoxigue del asturianu- del gobiernu rexonal que carecemos, d’entrada hai que refiertar que los conceyos tienen el deber de revisar el padrón y dientro d’elli la rellación d’entidaes y núcleos de población, polo poco una vegada al añu, y unviala darréu al Insitutu Nacional d’Estadística (artículos 17.2 de la Llei 7/1985, de Bases de Réxime Llocal, y 76 del Real Decretu 1690/1986, Reglamentu de Población de les Entiudaes Llocales); y, dempués, que’l mesmu INE ta na obligación (citáu artículu 17.2 de la Llei 7/1985 y 78 del Real Decretu 1690/1986) de requerir a los conceyos pa que cumplan colo que la norma establez y, en casu contriu, suplílos nello.
Poro, l’Aconceyamientu de Xuristes pol Asturianu vien de dirixise per escritu a tolos alcaldes involucraos y al Institutu Nacional d’Estadística (presidenta y delegáu n’Asturies) encamientándo-yos a toos “la igua urxente del estropiciu”.
Per encargu de la Xunta Direutiva robla’l secretariu del Aconceyamientu de Xuristes pol Asturianu. Xurde Blanco Puente.
> La noticia, n'Asturnews, Asturies.com y L'Asturies Lliberal.
> Más información: Denuncia a los Conceyos asturianos y al INE sobre la incorporación al Nomenclátor d'unidaes poblacionales del INE de les entidaes de población asturianes.
Magar que vien siendo un procesu bandorru, roceanu, a gotes y nel que nun faltaron los convides al esfronamientu fraticida (rúxese que lu alministra na solombra’l señor Areces) daqué ye y apréciase no que val. Valir simbólicu porque, per agora, el práuticu ye bien poco por nun dicir ná.
Un exemplu: si dalguién quier poner nel so DNI el topónimu correchu del llugar onde vive y quitar el qu’inventó a saber qué guardia civil, xuez, escribanu o merín, va esfrayase cola ñegativa del funcionariu d’anguañu, encontada en que’l topónimu pol que nagua “nun ta na llista oficial”. Lo mesmo va pasar nel intre de rotular indicadores de carreteres, facer mapes, roblar contratos, empadronase, asoleyar disposiciones… ¡Lo que nun ta na “llista oficial” nun ye!.
“Llista oficial” o por dicilo más preciso “Nomenclátor d’unidaes poblacionales del Institutu Nacional d’Estadística”, nel que tolos núcleos de población tienen de tar identificaos pel nome y once díxitos. Y ehí, al Nomenclátor del INE, nun aportaron entá los conteníos de los Decretos d’igua de la toponimia asturiana. El que quiera comprobalo nun tien más que marcar n’Internet http://www.ine.es/nomen2/index.do, escribir na ventanina al efeutu’l nome real, asturianu y teóricamente oficial y dempués probar col inventáu, foriatu y diz que derogáu.
¿Por qué en tres años nun s’aperió esti asuntu que fai de los Decretos papel moyao?. Ensin descartar la mano –siempres sollerte y llonga pa torgar l’espoxigue del asturianu- del gobiernu rexonal que carecemos, d’entrada hai que refiertar que los conceyos tienen el deber de revisar el padrón y dientro d’elli la rellación d’entidaes y núcleos de población, polo poco una vegada al añu, y unviala darréu al Insitutu Nacional d’Estadística (artículos 17.2 de la Llei 7/1985, de Bases de Réxime Llocal, y 76 del Real Decretu 1690/1986, Reglamentu de Población de les Entiudaes Llocales); y, dempués, que’l mesmu INE ta na obligación (citáu artículu 17.2 de la Llei 7/1985 y 78 del Real Decretu 1690/1986) de requerir a los conceyos pa que cumplan colo que la norma establez y, en casu contriu, suplílos nello.
Poro, l’Aconceyamientu de Xuristes pol Asturianu vien de dirixise per escritu a tolos alcaldes involucraos y al Institutu Nacional d’Estadística (presidenta y delegáu n’Asturies) encamientándo-yos a toos “la igua urxente del estropiciu”.
Per encargu de la Xunta Direutiva robla’l secretariu del Aconceyamientu de Xuristes pol Asturianu. Xurde Blanco Puente.
> La noticia, n'Asturnews, Asturies.com y L'Asturies Lliberal.
> Más información: Denuncia a los Conceyos asturianos y al INE sobre la incorporación al Nomenclátor d'unidaes poblacionales del INE de les entidaes de población asturianes.
Labels: Derechos Llingüísticos
<< Home