La XPDLL y SUATEA denuncien qu'una escuela de Xixón fai del asturianu materia optativa y non voluntaria, como diz la llei
La Xunta pola Defensa de la Llingua Asturiana (XPDLL) denuncia "un nuevu casu d’ataque a la escolarización de la llingua asturiana y a los derechos llingüísticos y educativos de los escolinos y escolines". La Escuela Pública Ríu Piles de Xixón, entamó a impartir la enseñanza de la “Llingua de Señes”, emplegada por persones con discapacidaes auditives. Ello ye qu'esta asignatura dase a escoyer como asignatura alternativa a la de Llingua Asturiana, convirtiendo pela vía los fechos, l’asignatura d’asturianu nuna “optativa”, en cuenta de “voluntaria” como ta afitao por llei y nel testu del Currículu de la Enseñanza Primaria.
La XPDLL alvierte que "la Llei d’Usu y Promoción del Asturianu afita nel so artículu 10.3 cómo la elección del estudiu o del usu l'asturianu como asignatura del Currículu, en nengún casu va poder ser motivu de discriminación de los alumnos... Pa los que lu escueyan, el so deprendizaxe o usu nun va poder constituir un obstáculu pa recibir la mesma formación y conocimientos n’igualdá de condiciones que’l restu del alumnáu.” Destamiente, la llei impide esprésamente que l’estudiu de la llingua asturiana pueda competir col d’otres materies, pa evitar la discriminación de los escolinos qu’escueyen asturianu al nun tener accesu a la mesma formación qu’aquellos que nun lo escoyeran".
La XPDLL denuncia la "responsabilidá de la Conseyería d’Educación nestos casos qu’entamamos a conocer". A la organización lláma-y l'atención "El fechu de que’l Director del centru sea’l qu’espón el casu a los medios, lo que ye bona preba de que la Inspección Educativa nun actúa nestos casos y qu’estes maniobres cuenten col preste de la Conseyería".
Por ello, la Xunta pola Defensa de la Llingua Asturiana quier dar anuncia de que va llevar alantre "les acciones llegales necesaries pa tornar esta situación llamentable" al empar qu'esclaria "que’l marcu llegal que regula la presencia de la llingua asturiana nel sistema educativu ye mui curtiu, probe y discriminatoriu. Por ello ye más claramente inaceptable que s’incumpla dende les alministraciones".
Pela so parte, el sindicatu asturianu de trabayadores de la enseñanza SUATEA, criticó tamién la competencia d'horariu que se ta dando ente les asignatures de Llingua de Signos y Llingua Asturiana na Escuela Pública "Ríu Piles" de Xixón, porque los escolinos d'asturianu nun tendríen la posibilidá de deprender dicha llingua. Dende'l sindicatu aplauden "la idega del Colexu ante la iniciativa de deprender a los neños y neñes la Llingua de Signos", considerando tan interesante la propuesta que proponen ampliala a toles estayes educatives. Sicasí recuérden-y a l'alministración asturiana que "tien que dar la oportunidá a toos/es de deprender toles llingües", sorrayando amás que "l'asignatura d'asturianu sí tien conteníos curriculares en primaria", polo que proponen treslladar la nueva asignatura al espaciu de l'alternativa a la relixón, materia ensin conteníos curriculares na Educación Primaria.
> La noticia, n'Asturies.com, equí y equí; y tamién n'Asturnews.
La XPDLL alvierte que "la Llei d’Usu y Promoción del Asturianu afita nel so artículu 10.3 cómo la elección del estudiu o del usu l'asturianu como asignatura del Currículu, en nengún casu va poder ser motivu de discriminación de los alumnos... Pa los que lu escueyan, el so deprendizaxe o usu nun va poder constituir un obstáculu pa recibir la mesma formación y conocimientos n’igualdá de condiciones que’l restu del alumnáu.” Destamiente, la llei impide esprésamente que l’estudiu de la llingua asturiana pueda competir col d’otres materies, pa evitar la discriminación de los escolinos qu’escueyen asturianu al nun tener accesu a la mesma formación qu’aquellos que nun lo escoyeran".
La XPDLL denuncia la "responsabilidá de la Conseyería d’Educación nestos casos qu’entamamos a conocer". A la organización lláma-y l'atención "El fechu de que’l Director del centru sea’l qu’espón el casu a los medios, lo que ye bona preba de que la Inspección Educativa nun actúa nestos casos y qu’estes maniobres cuenten col preste de la Conseyería".
Por ello, la Xunta pola Defensa de la Llingua Asturiana quier dar anuncia de que va llevar alantre "les acciones llegales necesaries pa tornar esta situación llamentable" al empar qu'esclaria "que’l marcu llegal que regula la presencia de la llingua asturiana nel sistema educativu ye mui curtiu, probe y discriminatoriu. Por ello ye más claramente inaceptable que s’incumpla dende les alministraciones".
Pela so parte, el sindicatu asturianu de trabayadores de la enseñanza SUATEA, criticó tamién la competencia d'horariu que se ta dando ente les asignatures de Llingua de Signos y Llingua Asturiana na Escuela Pública "Ríu Piles" de Xixón, porque los escolinos d'asturianu nun tendríen la posibilidá de deprender dicha llingua. Dende'l sindicatu aplauden "la idega del Colexu ante la iniciativa de deprender a los neños y neñes la Llingua de Signos", considerando tan interesante la propuesta que proponen ampliala a toles estayes educatives. Sicasí recuérden-y a l'alministración asturiana que "tien que dar la oportunidá a toos/es de deprender toles llingües", sorrayando amás que "l'asignatura d'asturianu sí tien conteníos curriculares en primaria", polo que proponen treslladar la nueva asignatura al espaciu de l'alternativa a la relixón, materia ensin conteníos curriculares na Educación Primaria.
> La noticia, n'Asturies.com, equí y equí; y tamién n'Asturnews.
Labels: Derechos Llingüísticos
<< Home