FETE-UXT denuncia'l maltratu al asturianu nel Curriculum d'Educación Infantil

La Federación d'Enseñanza d'UXT (FETE-UXT) condenó tamién la redaición del Currículum d'Educación Infantil asoleyáu pola Conseyería d'Educación, un documentu que ya recibiere les crítiques d'otros sindicatos d'enseñanza (SUATEA), la Xunta pola Defensa de la Llingua Asturiana (XPDLL) y la mesma Academia de la Llingua Asturiana (ALLA). Nún comunicáu en que tamién rechaza los recortes de plantiya propuestos por Educación calificándolos de "auténtica reconversión de la enseñanza pública", FETE-UXT critica'l tratu que se-y da a la llingua asturiana nel Currículu d'Educación Infantil, llamentando que nun s'incluya como especialidá y que vuelva a apaecer de manera globalizada, "diliénndose dientro de la cultura asturiana". Acordies con FETE-UXT, esto supón un "auténticu retrocesu nel tratamientu de la especialidá, esmuciéndose con ello un derechu que espeyáu na Llei d'Usu y Promoción del Asturianu". Por ello, FETE-UXT solicita que l'asturianu se trate como "cualquier otra especialidá y que s'incluya de forma seria dientro del currículu".

> La noticia, n'Asturies.com.

> Proyeutu de Decretu de la Conseyería d'Educación, pol que se regula la ordenación y s'afiten los conteníos educativos y el currículu de la Educación Infantil nel Principáu d'Asturies (PDF).

> Propuesta de Curriculum d'Educación Infantil. Anexu d'Estayes (PDF).