Caducó la propuesta d'ERC pa oficializar el gallegu n'Asturies
La proposición de llei d'Esquerra Republicana de Catalunya (ERC) pa la promoción de les llingües españoles estremaes del castellán y qu'incluyía la declaración d'oficialidá del gallegu nel Navia-Eo caducó'l pasáu día 15.
La iniciativa, que nun llegó a prosperar como propuesta nel Congresu los Diputaos en marzu de 2006, cuando los grupos parllamentarios del PSOE y PP votaron a la escontra, caducó tres de vencer el plazu pa ser debatida nel Congresu depués de qu'ERC presentare la mesma proposición de llei.
Una y bones vencíu esi plazu, la proposición de llei que contemplaba la declaración darréu del gallegu como llingua oficial nos «territorios gallegofalantes del occidente d'Asturies y de la fastera noroccidental de Castiella y Lleón», nun tien posibilidá dala, a lo menos nesta llexislatura. La proposición de llei d'ERC sí que fuera sofitada en marzu de 2006 polos grupos parllamentarios de Convergència i Unió (CIU), Izquierda Unida (IU), Bloque Nacionalista Galego (BNG) y Chunta Aragonesista (CHA). Pela contra, IU d'Asturies siempre caltuvo la so oposición a la declaración d'oficialidá del gallegu nel Navia-Eo y defiende la declaración d'oficialidá del gallegu-asturianu o fala propio de la fastera más occidental d'Asturies, una variedá llingüística que los espertos enraigonen nel tueru común galaicu-portugués, pero que de manera dala puede identificase col idioma gallegu.
Dende qu'ERC presentare esta proposición de llei -que si bien caducó ello nun quita pa que nun vuelva poder debatise y aprobase nuna prósima llexislatura-, bien de voces (como la del nuesu secretariu Xurde Blanco) vienen alertando de la posibilidá real d'una fractura identitaria y territorial alendada pola artificiosa implantación del gallegu na comarca más occidental asturiana, au según l'estudiu de la Secretaría Llingüística del Navia-Eo de l'Academia de la Llingua Asturiana, el 74% de los encuestaos declárense «asturianos hasta la médula».
> La noticia, en LNE.
La iniciativa, que nun llegó a prosperar como propuesta nel Congresu los Diputaos en marzu de 2006, cuando los grupos parllamentarios del PSOE y PP votaron a la escontra, caducó tres de vencer el plazu pa ser debatida nel Congresu depués de qu'ERC presentare la mesma proposición de llei.
Una y bones vencíu esi plazu, la proposición de llei que contemplaba la declaración darréu del gallegu como llingua oficial nos «territorios gallegofalantes del occidente d'Asturies y de la fastera noroccidental de Castiella y Lleón», nun tien posibilidá dala, a lo menos nesta llexislatura. La proposición de llei d'ERC sí que fuera sofitada en marzu de 2006 polos grupos parllamentarios de Convergència i Unió (CIU), Izquierda Unida (IU), Bloque Nacionalista Galego (BNG) y Chunta Aragonesista (CHA). Pela contra, IU d'Asturies siempre caltuvo la so oposición a la declaración d'oficialidá del gallegu nel Navia-Eo y defiende la declaración d'oficialidá del gallegu-asturianu o fala propio de la fastera más occidental d'Asturies, una variedá llingüística que los espertos enraigonen nel tueru común galaicu-portugués, pero que de manera dala puede identificase col idioma gallegu.
Dende qu'ERC presentare esta proposición de llei -que si bien caducó ello nun quita pa que nun vuelva poder debatise y aprobase nuna prósima llexislatura-, bien de voces (como la del nuesu secretariu Xurde Blanco) vienen alertando de la posibilidá real d'una fractura identitaria y territorial alendada pola artificiosa implantación del gallegu na comarca más occidental asturiana, au según l'estudiu de la Secretaría Llingüística del Navia-Eo de l'Academia de la Llingua Asturiana, el 74% de los encuestaos declárense «asturianos hasta la médula».
> La noticia, en LNE.
Labels: Derechos Llingüísticos
<< Home