Alegaciones d'AXA a la propuesta de Currículum d'Educación Infantil

Dende AXA denunciamos el tratamientu que dende la Conseyería d'Educación se-y quier dar a la llingua asturiana na so propuesta de Currículum d'Educación Infantil, dexando a los escolinos asturianos ensin posibilidá de formase na so llingua propia nos primeros años d’escolarización, dalgo qu'atenta dafecho escontra la llei (artículu 4 de la Llei Orgánica 7/1981, del Estatutu d’Autonomía del Principáu d’Asturies; artículos 1, 2, 9 y 10 de la Llei d'Usu y Promoción del asturianu; artículu 8.1, lliterales a.i y b.i de la Carta Europea de les Llingües Rexonales o Minoritaries, Tratáu internacional que nun fai otro qu’aplicar les recomendaciones al efeutu de la UNESCO: “Emplegu de les llingües vernácules na enseñanza” (1953) y “La educación nun mundiu plurillingüe” (2003), la UNICEF: “Estáu mundial de la infancia” (1999) o la Appel&Muysken: “Billingüismu y contautu de llingües” (1996).

Poro, encamientámos-y al Sr. Conseyeru xacíu y respetu a la llei, procediendo a reformar el proyeutu de Decretu mentáu, nel sen de reconocer el calter vehicular de la llingua asturiana na Educación Infantil, talo que desixe la Carta Europea de les Llingües Rexonales o Minoritaries.

> Escritu de denuncia y alegaciones d'AXA al borrador de Curriculum d'Educación Infantil.
> La noticia, n'Asturnews, Les Noticies, Asturies.com, El Comentario.TV, TPA y Europa Press.

> Proyeutu de Decretu de la Conseyería d'Educación, pol que se regula la ordenación y s'afiten los conteníos educativos y el currículu de la Educación Infantil nel Principáu d'Asturies (PDF).

> Propuesta de Curriculum d'Educación Infantil. Anexu d'Estayes (PDF).