N'AXA creemos decisiva la posición del PP de cara a la oficialidá de la llingua

L'Aconceyamientu de Xuristes pol Asturianu señaló que l'actitú del PP va resultar "decisiva" pa que'l derechu "de toos" de falar asturianu sía recoyíu na próxima reforma del Estatutu d'Autonomía del Principáu. Nuna carta abierta dirixida al PP, l'Aconceyamientu animó a los representantes populares, incluíos l'alcalde d'Uviéu, Gabino de Lorenzo, y el presidente del PP d'Avilés Joaquín Aréstegui, pa que consigan que la 'llingua' algame la condición "que merez" na futura norma, na llínea de que se busquen fórmules d'oficialidá ensin que'ello signifique una "obligación". L'Aconceyamientu criticó l'actual política llingüística del gobiernu d'Asturies y ufrió al PP tol "soporte xurídicu" pa buscar eses fórmules.

> Noticia esbillada de Les Noticies.

> Esti ofrecimientu al PP, coincide col fechu esti día pola propia Academia de la Llingua Asturiana nel mesmu sen. Más información, n'Asturies.com