La fiscalía pide 1300€ a un mozu por pintar nuna señal
Militantes de la Xunta Pola Defensa de la Llingua Asturiana y amigos y collacios de Xosé Antón Cadierno concentráronse enantes de la vista na puerta'l xulgáu moscón. L'imputáu taba llamáu a les 10.45 hores, momentu en que la defensa, la fiscalía y l'acusación, personalizada en dos guardies civiles, yá aguardaben dientro la sala. Cadierno taba acusáu de facer pintaes hasta en nueve señales de tránsitu en Conceyu de Grau, tres de ser supuestamente sorprendíu por una patrulla de la Guardia Civil al "iguar" el cartel d'entrada a Grau pela puente de San Pelayo.
A lo llargo de la vista, l'acusación ratificó la denuncia qu'interpunxeron contra Xosé Antón Cadierno, dexando camín a la fiscalía y a la defensa particular. L'abogáu Esteban Intriago defendió que'l so cliente namás que ta implicáu nuna de les nueve señales esborraes, tres de manifestar l'interesáu qu'asumía l'autoría del actu nel que foi vistu polos guardies.
Pel so llau, la fiscalía quixo insistir na implicación de Cadierno nos nueve casos, por coincidir en toes nueve'l color del esprái y por apreciar que la pintura taba entá fresco. Intriago sorrayó en tou momentu qu'esos argumentos yeren dondos dafechu y que poro, nun podíen alquirir rangu de preba. Amás, precisóse que los presupuestos de Fomentu colos que cuntaba la fiscalía correspondíen col gastu de sustitución (muncho más altu) y non col de llimpieza que paez ser la práctica que se realiza nestos casos.
Asina les coses, la fiscalía pide a la fin que Cadierno tea cinco díes en réxime de localización permanente y qu'arrecostine colos gastos del xuiciu y la igua de les señales, amás de 1.294 euros de multa. Otramiente, la defensa asume'l gastu que supón la llimpieza de la señal afectada según los costes presupuestaos pola empresa qu'esplota la señalización de carreteres n'Asturies mayoritariamente, una cifra qu'andaría pelos 55 euros.
Vistu'l casu pa sentencia, los acompañantes de Xosé Antón Cadierno valoraron positivamente la defensa executada pol abogáu Intriago y nun dexaron pasar la oportunidá de comentar que los guardies mintieron na so declaración de güei al ñegar que nel momentu de la denuncia entrugaren a Cadierno si tenía dalgo que ver con otres pintaes rexistraes pa la parte de Cangas del Narcea, custión cola que, según estes fontes, tentaben d'implicar al imputáu en más casos que'l que reconoz.
13.12.07. Carlos Suari (Grau).
> Esbillao d'Acullá.
> La noticia, tamién n'Asturies.com.
A lo llargo de la vista, l'acusación ratificó la denuncia qu'interpunxeron contra Xosé Antón Cadierno, dexando camín a la fiscalía y a la defensa particular. L'abogáu Esteban Intriago defendió que'l so cliente namás que ta implicáu nuna de les nueve señales esborraes, tres de manifestar l'interesáu qu'asumía l'autoría del actu nel que foi vistu polos guardies.
Pel so llau, la fiscalía quixo insistir na implicación de Cadierno nos nueve casos, por coincidir en toes nueve'l color del esprái y por apreciar que la pintura taba entá fresco. Intriago sorrayó en tou momentu qu'esos argumentos yeren dondos dafechu y que poro, nun podíen alquirir rangu de preba. Amás, precisóse que los presupuestos de Fomentu colos que cuntaba la fiscalía correspondíen col gastu de sustitución (muncho más altu) y non col de llimpieza que paez ser la práctica que se realiza nestos casos.
Asina les coses, la fiscalía pide a la fin que Cadierno tea cinco díes en réxime de localización permanente y qu'arrecostine colos gastos del xuiciu y la igua de les señales, amás de 1.294 euros de multa. Otramiente, la defensa asume'l gastu que supón la llimpieza de la señal afectada según los costes presupuestaos pola empresa qu'esplota la señalización de carreteres n'Asturies mayoritariamente, una cifra qu'andaría pelos 55 euros.
Vistu'l casu pa sentencia, los acompañantes de Xosé Antón Cadierno valoraron positivamente la defensa executada pol abogáu Intriago y nun dexaron pasar la oportunidá de comentar que los guardies mintieron na so declaración de güei al ñegar que nel momentu de la denuncia entrugaren a Cadierno si tenía dalgo que ver con otres pintaes rexistraes pa la parte de Cangas del Narcea, custión cola que, según estes fontes, tentaben d'implicar al imputáu en más casos que'l que reconoz.
13.12.07. Carlos Suari (Grau).
> Esbillao d'Acullá.
> La noticia, tamién n'Asturies.com.
Labels: Derechos Llingüísticos
<< Home