La Xunta Pola Defensa de la Llingua movilízase nel entamu de les negociaciones pol Estatutu

Con motivu del empiezu del calendariu reuniones ente los grupos parlamentarios pa la reforma l'Estatutu d'Autonomía, la Xunta pola Defensa de la Llingua Asturiana convoca una concentración col lema "Na Reforma l'Estatutu, L'Asturianu Llingua Oficial". La concentración va facese a les 11:30 d'esti vienres 5 d'ochobre énte la sé la Xunta Xeneral del Princiáu d'Asturies, na cai Fruela d'Uviéu y va ser la primer d'una serie de movilizaciones nes que la Xunta pola Defensa de la Llingua va tomar parte activamente, tando prevista la so participación nes dos Caravanes pola Oficialidá y la gran Manifestación pal 24 de payares, qu'entama'l Conceyu Abiertu pola Oficialidá.

> Esbillada d'Asturies.com