El Comisariu pal Multillingüismu de la UE entama una consulta en llinia

El Comisariu pal Multillingüismu de la UE, Leonard Orban, ta acabante poner en marcha un Departamentu de consulta en llinia sobre'l Multillingüismu dende'l Día Européu de les Llingües, que se celebró'l pasáu 26 de setiembre y darréu d'ello una encuesta online. Al traviés d'un cuestionariu, el públicu pue espresar les sos opiniones, esmolecimientos o reconocimientu sobre esta tema.

La consulta en llinia ye de 16 preguntes y va prolongase hasta'l 15 de payares de 2007. Los resultaos de la encuesta van tar disponibles nel primer semestre de 2008 y la consulta estudia cuestiones como les que vienen darréu:

• ¿Qué medios esisten pala salvaguarda de les llingües menos falaes escontra la tendencia de "una llingua franca"?

• ¿Qué papel puen desempeñar los idiomes na integración de los inmigrantes na sociedá?

• ¿Paga la pena'l costu d'una alministración multillingüe de la UE?

La rede Mercator encamienta a tolos sos miembros a les persones interesaes nes llingües minoritaries a participar nesta consulta en llinia y a comunicar al Comisariu les torgues qu'atopen na utilización y promoción de les llingües rexonales y minoritaries en cada país.

> Informe sobre'l multillingüismu na UE

> Noticia esbillada d'Asturnews.