El titular del Xulgáu Nu3 de lo Contencioso-Alministrativo d'Uviéu, cuestiona la constitucionalidá de la Llei d'Usu
El titular del Xulgáu Nu3 de lo Contencioso-Alministrativo d'Uviéu, Miguel Ángel Carbajo Domingo, acaba dictar una Providencia cuestionando la constitucionalidá de dellos artículos de la Llei 1/98 d'Usu y Promoción del Asturianu, dientro la tramitación procedimental del Recursu Contencioso-Alministrativo entamáu pol nuesu Secretariu y Lletráu del Serviciu Xurídicu del Principáu d'Asturies, Xurde Blanco Puente, al rau la negativa la Conseyería de Presidencia del Principáu a almitir un pidimientu de baxa médica pa poder operase, por tar redactáu n'asturianu.
Agora, el xuez encargáu del casu sal con que los artículos 2, 4 y 7 de la Llei d'Usu del Asturianu -qu'elli cuida aplicables al casu-, pínten-y inconstitucionales; afirmación que sofita na posible inxerencia de la Llei "en materia que ta acutao formalmente al Estatutu d'Autonomía", cuidando qu'esa llei tien "vocación d'oficialidá". El xuez afirma tamién que la llei "métese en materia que ye propio de la llexislación alministrativa básica y nel estatutu de los funcionarios tocántenes al llinguaxe alministrativu oficial", y denuncia qu'esos artículos tán redautaos "en términos imperativos", concluyendo que la Llei d'Usu podría inxerir nuna "posible conculcación del derechu d'igualdá de los ciudadanos en rellación a la so actividá énte les Alministraciones públiques".
Dende l'Aconceyamientu de Xuristes pol Asturianu entendemos que la custión "ta redactada nunos términos que fain que'l Tribunal Constitucional nun tien porqué l'almitir a trámite". Nesti intre procesal, entrugámonos ¿qué va alegar el "Gobiernu de la izquierda plural", siendo asina que los dos "socios" aprobaron la llei na Xunta Xeneral del Principáu?. Y yá en clave estatal, ¿qué va dicir el gobiernu Zapatero pente medies del Ministeriu Fiscal?. Y ¿dirá daqué'l Partíu Popular -estramuries del procesu porque nun ye parte-, que foi'l promotor de la llei?. ¿Callarán y mirarán toos pa otru llau dexando solos al demandante y al Aconceyamientu de Xuristes pol Asturianu?. ¿Atreveráse'l Maxistráu a siguir p'alantre con esta custión d'inconstitucionalidá, tres d'estudiar les alegaciones feches?.
Sicasí, nel Aconceyamientu de Xuristes pol Asturianu tamos percontentos y enfotaos en que l'asuntu llegue al Tribunal Constitucional pa que, una y bones, s'afite y perafite que la llingua asturiana y los sos falantes tamién tenemos derechos y que yá ta bien de negámoslos. Queremos, amás, esperar a conocer más posicionamientos pa facer pública la nuestra postura énte esti Recursu y la tramitación del procesu.
> Les alegaciones a la Providencia, n'Asturnews.
Agora, el xuez encargáu del casu sal con que los artículos 2, 4 y 7 de la Llei d'Usu del Asturianu -qu'elli cuida aplicables al casu-, pínten-y inconstitucionales; afirmación que sofita na posible inxerencia de la Llei "en materia que ta acutao formalmente al Estatutu d'Autonomía", cuidando qu'esa llei tien "vocación d'oficialidá". El xuez afirma tamién que la llei "métese en materia que ye propio de la llexislación alministrativa básica y nel estatutu de los funcionarios tocántenes al llinguaxe alministrativu oficial", y denuncia qu'esos artículos tán redautaos "en términos imperativos", concluyendo que la Llei d'Usu podría inxerir nuna "posible conculcación del derechu d'igualdá de los ciudadanos en rellación a la so actividá énte les Alministraciones públiques".
Dende l'Aconceyamientu de Xuristes pol Asturianu entendemos que la custión "ta redactada nunos términos que fain que'l Tribunal Constitucional nun tien porqué l'almitir a trámite". Nesti intre procesal, entrugámonos ¿qué va alegar el "Gobiernu de la izquierda plural", siendo asina que los dos "socios" aprobaron la llei na Xunta Xeneral del Principáu?. Y yá en clave estatal, ¿qué va dicir el gobiernu Zapatero pente medies del Ministeriu Fiscal?. Y ¿dirá daqué'l Partíu Popular -estramuries del procesu porque nun ye parte-, que foi'l promotor de la llei?. ¿Callarán y mirarán toos pa otru llau dexando solos al demandante y al Aconceyamientu de Xuristes pol Asturianu?. ¿Atreveráse'l Maxistráu a siguir p'alantre con esta custión d'inconstitucionalidá, tres d'estudiar les alegaciones feches?.
Sicasí, nel Aconceyamientu de Xuristes pol Asturianu tamos percontentos y enfotaos en que l'asuntu llegue al Tribunal Constitucional pa que, una y bones, s'afite y perafite que la llingua asturiana y los sos falantes tamién tenemos derechos y que yá ta bien de negámoslos. Queremos, amás, esperar a conocer más posicionamientos pa facer pública la nuestra postura énte esti Recursu y la tramitación del procesu.
> Les alegaciones a la Providencia, n'Asturnews.
Labels: Derechos Llingüísticos
<< Home