El Principáu alega al plantegamientu una custión d'inconstitucionalidá escontra dellos artículos de la Llei d'Usu ensin citalos siquier

Énte l'anuncia fecha pol titular del Xulgáu lo Contencioso-Alministrativo númberu 3 d'Uviéu, de mirar d'interponer custión d'inconstitucionalidá escontra los artículos 2, 4 y 7 de la Llei d'Usu del asturianu de 1998, el nuesu secretariu y demandadnte Xurde Blanco Puente, presentó con tiempu, argumentos abondos en defensa de la Llei. Pela contra, el Ministeriu Fiscal nun presentó alegaciones polo qu'entendemos que la fiscalía nun tien interés dalu n'ocupase de los drechos llingüísticos de los asturianos.

Pela so banda, l'Executivu asturianu fai del fenómenu llingüísticu causa de confrontación política coles sos alegaciones. El representante llegal del Principáu nel procedimientu, entamó’l so escritu defendiendo “la plena vixencia del artículu 4 del Estatutu d'Autonomía, reconociendo l'usu de la llingua nos ámbitos culturales, artísticos y sociales… campañes institucionales de publicidá y comunicación, de publicaciones, del BOPA, de llogotipos diversos…”; pero diciendo al empar qu’hai una “imposibilidá de que los empleaos públicos usen o se comuniquen nel exerciciu de les funciones que-yos son propies en llingua distinta al castellanu”. Nin siquier se molesta en citar y argumentar alrodiu los artículos cuya constitucionalidá'l Xuez custiona...

> Esta ye la nuesa valoración d'estes alegaciones.