El Fiscal pide 8.400 euros de multa por poner los topónimos n’asturianu nún cartel de carretera
Xose Antón Cadierno, miembru de la Xunta Pola Defensa de la Llingua Asturiana (XPDLL), enfréntase a una petición de pena por parte'l Ministeriu Fiscal de multa de 8.483,94 euros o sustitutiva d'un añu de privación de llibertá, nel xuiciu en que ta procesáu por iguar con pintura'l topónimu tradicional nún indicador de carretera que lu conseñaba na forma castellana.
La Xunta Pola Defensa de la Llingua Asturiana califica la pitición del fiscal como "escandalosamente desproporcionada y basada nuna interpretación claramente tendenciosa del Códigu Penal, que fae rescamplar la so intencionalidá política en contra de la reivindicación llingüística". La organización denuncia "la dureza implacable cola que la fiscalía actúa contra un ciudadanu por correxir un rótulu de carretera que yá taría na forma correcta si les alministraciones respetasen la llei" y "la situación d'indefensión xenerada pola so dexadez y complicidá énte l'incumplimientu de la llegalidá por parte de les alministraciones", ello en cuantes que la Llei d'Usu y Promoción del Asturianu recueye que "los topónimos de la Comunidá Autónoma del Principáu d'Asturies han tener el so nome oficial na so forma tradicional".
La XPDLL afirma que "dende l'aprobación de la llei va más de nueve años, los sucesivos gobiernos asturianos incumplen y vulneren sistemáticamente'l conteníu d'esti artículu imponiendo allegalmente pola vía de los fechos una toponimia falsa, castellanizada y deformada col únicu oxetivu de facer desapaecer la llingua asturiana de los nomes propios de los nuesos llugares".
> Noticia esbillada d'Asturies.com
La Xunta Pola Defensa de la Llingua Asturiana califica la pitición del fiscal como "escandalosamente desproporcionada y basada nuna interpretación claramente tendenciosa del Códigu Penal, que fae rescamplar la so intencionalidá política en contra de la reivindicación llingüística". La organización denuncia "la dureza implacable cola que la fiscalía actúa contra un ciudadanu por correxir un rótulu de carretera que yá taría na forma correcta si les alministraciones respetasen la llei" y "la situación d'indefensión xenerada pola so dexadez y complicidá énte l'incumplimientu de la llegalidá por parte de les alministraciones", ello en cuantes que la Llei d'Usu y Promoción del Asturianu recueye que "los topónimos de la Comunidá Autónoma del Principáu d'Asturies han tener el so nome oficial na so forma tradicional".
La XPDLL afirma que "dende l'aprobación de la llei va más de nueve años, los sucesivos gobiernos asturianos incumplen y vulneren sistemáticamente'l conteníu d'esti artículu imponiendo allegalmente pola vía de los fechos una toponimia falsa, castellanizada y deformada col únicu oxetivu de facer desapaecer la llingua asturiana de los nomes propios de los nuesos llugares".
> Noticia esbillada d'Asturies.com
Labels: Derechos Llingüísticos
<< Home