El Conseyu Escolar del Estáu encamienta la creación de la especialidá de llingua asturiana
El Conseyu Escolar del Estáu, máximu órganu consultivu del Gobiernu central en materia d'Educación, aprobó ayeri una enmienda presentada pola Confederación Sindical d'Enseñanza STES (na que s'inxerta'l sindicatu asturianu SUATEA) pola que s'encamienta al Gobiernu asturianu l'inxerimientu de la especialidá de llingua asturiana nos planes d'enseñanza.
La resolución pide tamién la normalización de los datos referentes a la escolarización en llingua asturiana y gallegu-asturianu, llogrando'l preste del organismu con 24 votos a favor, 15 a la escontra y 6 abstenciones.
Beatriz Quirós, representante de SUATEA, calificó l'aprobación de la enmienda de "fechu hestóricu na reivindicación y reconocimientu del asturianu" y anunció que va pidise al Gobiernu asturianu que la tome en consideranza.
Esti encamientu del organismu estatal a l'Alministración asturiana produzse tres d'aprobase los curricula de primaria y secundaria con una redaición que nun dexó contentos a los sindicatos no tocante a la enseñanza l'asturianu. La creación de la especialidá de llingua asturiana diba suponer que los profesores qu'imparten esta matera diben tener el mesmu estatus de los d'otres materies que sí cuenten con especialidá propio, como l'inglés, les matemátiques o la llingua castellana. El poder optar a places n'institutos y solicitar tresllaos de centros, sedríen otres ventayes d'esta declaración, que fadría del asturianu una asignatura col mesmu estatus llegal que les demás, un reconocimientu qu'agora nun tien.
El Conseyu Escolar ye un organismu qu'aconceya añalmente pa emitir un informe xeneral sobre la situación de la enseñanza, y esta ye la primer vegada que l'organismu fai una referencia a la enseñanza l'asturianu nestos términos.
> Noticia esbillada d'Asturies.com
La resolución pide tamién la normalización de los datos referentes a la escolarización en llingua asturiana y gallegu-asturianu, llogrando'l preste del organismu con 24 votos a favor, 15 a la escontra y 6 abstenciones.
Beatriz Quirós, representante de SUATEA, calificó l'aprobación de la enmienda de "fechu hestóricu na reivindicación y reconocimientu del asturianu" y anunció que va pidise al Gobiernu asturianu que la tome en consideranza.
Esti encamientu del organismu estatal a l'Alministración asturiana produzse tres d'aprobase los curricula de primaria y secundaria con una redaición que nun dexó contentos a los sindicatos no tocante a la enseñanza l'asturianu. La creación de la especialidá de llingua asturiana diba suponer que los profesores qu'imparten esta matera diben tener el mesmu estatus de los d'otres materies que sí cuenten con especialidá propio, como l'inglés, les matemátiques o la llingua castellana. El poder optar a places n'institutos y solicitar tresllaos de centros, sedríen otres ventayes d'esta declaración, que fadría del asturianu una asignatura col mesmu estatus llegal que les demás, un reconocimientu qu'agora nun tien.
El Conseyu Escolar ye un organismu qu'aconceya añalmente pa emitir un informe xeneral sobre la situación de la enseñanza, y esta ye la primer vegada que l'organismu fai una referencia a la enseñanza l'asturianu nestos términos.
> Noticia esbillada d'Asturies.com
Labels: Llingua Asturiana
<< Home