Un inconsistente trabayu premiáu pola Direición Xeneral de la Mocedá del Gobiernu de Galicia, atopa sitiu nos medios asturianos
Los medios de comunicación asturianos vienen dándo-y daqué importancia a un trabayu metaxurídicu premiáu pola Direición Xeneral de la Mocedá del Gobiernu de Galicia, tituláu “Dereitos lingüísticos na faixa oriental” nel que, polo que cinca a Asturies, incúrrense en cuatro erros xurídicos graves un par de bones mazcayaes:
1.- L’erru primeru ye una interpretación probetaya y desacertada del conteníu del artículu 3 de la Constitución Española.
2.- Darréu, l'autor del trabayu acredita la so total desconocencia del conteníu de la Carta Europea de les Llingües Rexonales o Minoritaries al aguardar d'ella la declaración de que na fastera asitiada pente los ríos Navia y Eo fálase gallegu; cosa imposible dafecho, porque tanto’l Comité d’Espertos na aplicación del citáu Tratáu como’l Gobiernu español, yá-y tienen reconocida la condición de llingua al eonaviegu o fala d’Entrambasaguas.
3.- Dempués amuesa nun saber que les competencies de l’Academia de la Llingua Asturiana en materia llingüística yá se declararan hai bien d’años (Decretos de 16 de xunetu y 22 d’avientu de 1981).
4.- Pa remate, da más que ñicios d’inorar el conceutu xurídicu de modalidá llingüística.
Pero si graves son los erros téunicos, más graves mos pinten les sos mazcayaes:
Primera, el menospreciar como “café para todos” les cooficialidaes llingüístiques en Valencia, Baleares y Navarra.
Segunda el enchipase, con un símil futboleru, de que la so llingua (el gallegu) “xuega nuna división diferente”.
Abulta bien triste que l'autor del trabayu s'avere al fenómenu llingüísticu asturianu dende la prepotencia qu'alienda la inorancia de los que s'abelluguen en vulgares presupuestos supremacistes, en cuenta facelo dende'l rigor científicu qu'impón l'estudiu y la humildá xurídica; abulta más triste entá que una Alministración Pública premie trabayos como ésti, nos que se fai apoloxía d'un mísere racismu llingüísticu (esisten llingües naturalmente superiores y otres inferiores), fomentando esa actitú ente la xente mozo; pero más triste ye entá que los propios medios de comunicación asturianos-yos den cancha a planteamientos d'esta triba, moral y científicamente inaceptables.
> La noticia, equí.
> El trabayu premiáu pol Gobiernu de Galicia: "Dereitos lingüísticos na faixa oriental" (PDF).
> La crítica d'AXA al trabayu y a l'actitú los medios asturianos en: El síndrome Cenicienta.
1.- L’erru primeru ye una interpretación probetaya y desacertada del conteníu del artículu 3 de la Constitución Española.
2.- Darréu, l'autor del trabayu acredita la so total desconocencia del conteníu de la Carta Europea de les Llingües Rexonales o Minoritaries al aguardar d'ella la declaración de que na fastera asitiada pente los ríos Navia y Eo fálase gallegu; cosa imposible dafecho, porque tanto’l Comité d’Espertos na aplicación del citáu Tratáu como’l Gobiernu español, yá-y tienen reconocida la condición de llingua al eonaviegu o fala d’Entrambasaguas.
3.- Dempués amuesa nun saber que les competencies de l’Academia de la Llingua Asturiana en materia llingüística yá se declararan hai bien d’años (Decretos de 16 de xunetu y 22 d’avientu de 1981).
4.- Pa remate, da más que ñicios d’inorar el conceutu xurídicu de modalidá llingüística.
Pero si graves son los erros téunicos, más graves mos pinten les sos mazcayaes:
Primera, el menospreciar como “café para todos” les cooficialidaes llingüístiques en Valencia, Baleares y Navarra.
Segunda el enchipase, con un símil futboleru, de que la so llingua (el gallegu) “xuega nuna división diferente”.
Abulta bien triste que l'autor del trabayu s'avere al fenómenu llingüísticu asturianu dende la prepotencia qu'alienda la inorancia de los que s'abelluguen en vulgares presupuestos supremacistes, en cuenta facelo dende'l rigor científicu qu'impón l'estudiu y la humildá xurídica; abulta más triste entá que una Alministración Pública premie trabayos como ésti, nos que se fai apoloxía d'un mísere racismu llingüísticu (esisten llingües naturalmente superiores y otres inferiores), fomentando esa actitú ente la xente mozo; pero más triste ye entá que los propios medios de comunicación asturianos-yos den cancha a planteamientos d'esta triba, moral y científicamente inaceptables.
> La noticia, equí.
> El trabayu premiáu pol Gobiernu de Galicia: "Dereitos lingüísticos na faixa oriental" (PDF).
> La crítica d'AXA al trabayu y a l'actitú los medios asturianos en: El síndrome Cenicienta.
Labels: Derechos Llingüísticos
<< Home