Más de dos mil persones pidieron n'Uviéu una presencia digna del asturianu na escuela

Más de dos mil persones salieron a la cai n'Uviéu el pasáu sábadu, refugando la propuesta de decretu pal currículu d'educación primaria fecha pola Conseyería d'Educación y Ciencia y pidiendo una presencia de la llingua asturiana en toles escueles, en condiciones dignes y de normalidá, respondiendo d'estamiente a la convocatoria fecha poles organizaciones sindicales d'enseñanza CC.OO, FETE-UXT, SUATEA y de la Xunta Pola Defensa de la Llingua Asturiana.

El borrador de decretu cola propuesta de currículu educativu d'enseñanza primaria nel que trabaya la Conseyería d'Educación y Ciencia del Principáu, da desarrollu curricular a l'asignatura d'asturianu, pero failo en claro fraude de llei, dándo-y a l'asignatura un estatus d'inferioridá na práutica sobre les condiciones en que s'imparte agora, poniéndola a competir, de fechu, con otres materies optatives, neutralizando asina la voluntariedá del so deprendizaxe, dalgo que-y reconoz la propia Llei.

> La noticia, equí.

> Y más información, equí.